Jaobik
Van Wikipedia
- Dit artikel is gesjreve in 't Valkebergs. Ómdat 't plaatsgebónje is, maogs doe 't ómzètte nao 't Jaobiks, as te dit dialek sjpriks.
Jaobik (ouch gesjpeld es Joabik, Nederlands: Jabeek) ies 'n dörpke in de gemeinte Óngerbenk in Nederlands Limburg. Jaobik ies bies de herindeiling van 1982 lang de kleinste gemeinte van Nederland gewaes. 't Dörp haet óngevaer 800 inweunersj (2006). Bie de gemeinte Jaobik huèrde ouch 't gehöch Ieëtselder (Etzenrade).
Inhawd |
[bewirk] Liegking
Jaobik liek vlakbie de grens mèt Duutsjland, t'n noordweste van Sjilvend. Veur versjillende veurzeninge ies Jaobik aangeweze op 't dörp Süsterseel, sjuus euver de grens.
In de buurt van Jaobik liegke de Jaobikse bösje (Jabeekse bossen), die beheerd were door Natuurmonumenten en die populair zint es wandel- en fietsgebeed.
[bewirk] Historie
't Dörp Jaobik weurt veur 't ièrsj vermeld in 1144, me sjreef doe apud Iabeche. In 1268 sjtóng d'r al 'n kapel. 'n Zelfsjtendige parochie woort 't in de 16e ièw. Van de 17e bies 't miedde van de 20e ièw waor Jaobik 'n baevaartplaats veur de heilige Gertrudis; allewiel ies van dees verièring nog mer wiènig euvergebleve. De heilige sjtóng ouch op 't wape van de gemeinte Jaobik.
[bewirk] Bezeenswaerdighede
De kèrk van Jaobik ies gewiejd aan Gertrudis. 't Neogotisch geboew woort óntworpe door P.J.H. Cuypers en dateert van 1858. 't Ies 'n driebeukige basilica van baksjtein. De tore ies van 'n ièrder kèrk en dateert oet de 15e ièw. In de kèrk bevink ziech 'n houte beeld van Gertrudis oet de 17e ièw.
In Jaobik liegke versjillende besjermde carréhäöf. Sómmige daovan zint door e gangesjtèlsel mètein verbónge. In d'n tied van de Bokkeriejersj koes me zoa nao ein vlöchte.
[bewirk] Dörpsvereiniginge
- Fanfaar St. Caecilia (1906)
- Vootbalvereiniging Jaobik
|
|
|
|---|---|
| Dörper: Bèngelder | Doevergenhout | Jaobik | Merkelbek | Sjilvend | |
| Buurtsjappe en gehuchte: G'n Veel | Kwabik | Raat | Ieëtselder | Hout | Doeve | Op d'n Hering | |
