Ieëpe

Van Wikipedia

Dit artikel is gesjreve in 't Ieëpesj. 't Weurt gewaardeerd óm in dit artikel woe meugelik 't Ieëpesj aan te hawte.

Ieëpe (Nederlands Epen) is e dörp in 't heuvelland va Zuid-Limburg in de gemingte Gulpe-Wittem. D'r naam zou 'n aafleijing zieë van apa= rivier en betekent nederzètting aan 't water (de Geul).

[bewirk] Gehuchte

Gehuchte:

[bewirk] Historie

In de Middeleeuwe waor Ieëpe aegedóm va de Karolingesche Kuninge. In 'n akte oet 1049 is d'r naam Alpine vur de usjte kier te laeze. Tot aan de Franse tied in 1794 veel de umgeving, oe-ónder och Mechele en Wahlwiller, onder de abdi-j va Burtscheid.

[bewirk] Bezeenswaerdig

In de tied tösje de 2 oorloge begint 't toerisme op te kaome en daodurch nemt och de welvaart toe. De umgeving is wereldkundig gemakt durch 't bukske Uit ons krijtland va Eli Heijmans. Nao hem is 't Heijmansreservaat, Ondersjte en baoveste bösj, en de Heijmansgroeve genumt. Op dis plek an de Geul kumt d'r Carboonsjtee baove g'n aed. In de umgaeving zunt e paar vurbeelde te zië va hoezer (gedeeltelek) gebowd mit dae sjtee.

De karakteristieke kirk van Ieëpe is gewiejd aan de heilige Paulus-Bekiëring. In de umgaeving lient opvallend väöl auw vakwerk häöf en hoezer.

[bewirk] Folkore

Op d'r 1e zóndig va de vaste wet 't Burckbrêane gehotte. De kinger van 't dörp gunt 't 's middigs mit tractors en karre durch gans Ieëpe brandbaar materiaal ophaole en dat wet op inge groëte hoop gekiept, "De Burck". De kinger trikke 't 's ovvends mit fakkele onder begeleiding van de harmonie nao De Burck en sjtaeke dao de fakkele i. Daonao sjpelt de harmonie nog ing aantal liedjes en de luj van 't durp werme zich bie De Burck en drinke ing tas zelf gemakte werme chocomel. Dan geet iekeringe langzaam nao 't café in 't dörp.

Die fakkele die tiedens de optocht waede gebroekt, waede op d'r zaoterdig vantevur zelf gemakt, och durch de kinger en volwassene van 't dörp, in 't Burckhoes.