Harie Eussen
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
Harie Eussen (in 'n paar bloomlezinge weurt 'r Hub Eussen geneump), (1901-1954), waor 'ne Limburgstalige diechter (in 't Ranzels) oet 't gehuch Ransdel bie Klumme in Zuud-Limburg. Zien beroep waor kandidaat-notaris. Hae neumde zichzelf gaere Harie va g'n Grach, nao de plek woa hae gebore is.
Hae sjreef toneelsjtökker in 't Ransdels, maakde ein "Klank- en vormlièr" en 'n lies van werkweurd van 't Ransdels dialek. Eussen beweert dat 't dialek euverein kump mèt dat van Klumme. De gehuchte Gerieësjbrich, Geweustrao höbbe get ander oetsjpraok van bepaalde weurd en 't versjil mèt 't Sjins en 't Wieldersj ies vrie groat. 't Versjil mèt 't Valkebergs ies bès opvallend. Klumme lik op de grens van 't versjiensel r-sjoew. Versjillende dialekte ten oaste van Valkeberg laote de r in bepaalde gevalle wegvalle, veural veur 'n t aan 't woordeind: poaët= poort, weut= woorden; zjwat= zwart. 't Ranzels haet väöl Heeëlese kènmèrke meh gebruuk die r waal nog.
[bewirk] publikaties
- Boereblood, toneelsjtök
- Wie d'r Giëleshaof óngergóng , toneelsjtök
- Gediechte in 't Veldeke-orgaan.
- 1976 Gedichte in de Bloomlezing Veldeke-Limburg 'Mosalect'.
- 1992 Gedichte in de Bloomlezing Rierank van Veldeke-Valkeberg.
- 2001 Gedichte in de Bloomlezing Veldeke-Literairreeks nr.12 'Mosaiek'
[bewirk] sjtäölke
" De ieésjte rumple kaome
en kerfde zie gezich
't Maike woeërt bedaarder
en zjwoeërder va gewich
Pös op 'ne gowe mörge
't zuchde: is 't da waor?
want in z'n vingre heel 't
werechtig...ei gries haor!
oet 't Maike, Mosalect 1975
