Goes
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
Goes is 'n stad en gemeinte in de Nederlandse provincie Zieland, in 't weste vaan 't veurmaoleg eiland Zuid-Beveland. De gemeinte heet 'n oppervlak vaan 102,13 km2, woevaan 39,40 km2 water, en had per 1 juni 2005 36.762 inwoeners. Behave de stad Goes heet de gemeinte nog de kèrne Eindewege, 's-Heer Arendskerke, 's-Heer Hendrikskinderen, Kattendijke, Kloetinge, Oud-Sabbinge, Wilhelminadorp en Wolphaartsdijk. De stad heet de A58 en de Ziewse Lien es veurnaomste verkiersaodere; heidoor is de stad sterk mèt Middelburg en Vlissinge verboonde.
Inhawd |
[bewirk] Stadsfuncties
Goes is de einege plaots vaan steidelik karakter op Zuid-Beveland, en deit daodoor deens es plaotselik verzörgingscintrum, en soms zelfs es provinciaol verzörgingscintrum, wie in de psychiatrie. Veur deensverleining en leechte industrie is Goes aontrèkkeliker es Middelburg of Vlissinge, vaanwege de get kortere reistied nao de Randstad.
[bewirk] Stadsgeziech
Goes heet euver 't algemeint väöl monuminte bewaord. 't Bekindste is de Maria-Magdalenakèrk oet 1423; oet dezelfden tied stamp ouch 't stadhoes aon de merret. De historische haves zien ouch 't bezien wel weerd. 't Stadsgeziech weurt sins 1957 gedómmeneerd door 'n zendmas vaan de NOZEMA, die eve boete de stad steit.
[bewirk] Historie
Goes weurt in 976 veur 't iers geneump, es Curtagosum, "korte Goos"; Goos is heibij wel oorsprunkelik de naom vaan de kreek boe 't dörp um oontstoont. De plaots greujde laanksemaon oet door de handel via e kanaal nao de Zandkreek en kraog waorsjijnlik in 1405 stadsrechte. Nao de euverstruiming vaan Reimerswael waor Goes de eineg euvergebleve stad op Zuid-Beveland, en oontwikkelde 't ziech naovenant.
[bewirk] Externe link
| Provincie Zieland | |
|---|---|
|
Borsele | Goes | Hulst | Kapelle | Middelburg | Noord-Beveland | Reimerswaal | Schouwen-Duiveland | Sluis | Terneuzen | Tholen | Veere | Vlissingen |
|
