Broenai
Van Wikipedia
- Dit artikel is gesjreve in 't Mestreechs. 't Weurt gewaardeerd óm in dit artikel woe meugelik 't Mestreechs aan te hawte.
| Broenai | |
 |
 |
 |
|
| Officieel taol | Maleis |
| Hoofstad | Bandar Seri Begawan |
| Staotsvörm | Absolute Monarchie |
| Staotshoof | Hassanal Bolkiah (sins 1967) |
| Groondgebeed % water |
5.765 km² 8,6% |
| Inwoeners | ca. 350.000 |
| Munt | Broenaisen dollar (BRD) |
| Tiedzaone | UTC +8 |
| Nationale fiesdaag | 1 januari |
| Volkshymne | Allah Peliharakan Sultan |
| Landcode | BRN |
| TLD | .bn |
| Tillefoon | +673 |
Broenai (officieel برني دارالسلام, Negara Brunei Darussalam) is e klein land op Borneo, umslote door Maleis gebeed. 't Besteit oet twie gebejer die zjus neet aonein grènze meh door e corridor vaan Maleis groondgebed vaanein gesjeie weure. Hoofstad is Bandar Seri Begawn, ander stei zien Bangar, Seria en Sukang. De sultan vaan Broenai behuurt tot de riekste lui vaan de wereld.
[bewirk] Administratief indeiling
Broenai is ingedeild in veer distrikte (daerah). Ze hete:
- Belait
- Broenai en Muara
- Temburong
- Tutong
[bewirk] Demografie
Oongeveer twiedaarde vaan de bevolking is vaan Maleisen orizjien en sprik Maleis. E bezoonderheid vaan 't Broenais Maleis is tot 't nog ummer in 't Arabisch sjrif gesjreve weurt. Vaan de res is e good deil Sjinees of Europees. De Maleisiërs beofene d'n islam, de Sjineze veural 't boeddhisme.
[bewirk] Historie
't Huideg sultanaat Broenai zouw zien veurgegoon door e riek, wat in Sjinese historiesjrifte Po-ni geneump weurt. Nao herhaoldelik door ander machte oonderworpe te zien, o.a. door 't Riek vaan Madjapit, oontstoont in de veertiende ieuw dit sultanaat es aparte staot. 't Begós daonao aon 'ne bleujtied, en op 't huugdepunt regeerde de sultan euver gans Borneo en zelfs euver de zuidelike Filipiene (die noe nog islamitisch zien), meh nao sultan Hassan kaom 't verval drin, zoewel door intern twiste es door de touwnummenden invlood vaan de Portugeze, Spaonjerds, Nederlanders en Ingelse in 't gebeed. In de neugentiende iew mós de sultan ummer mier acceptere tot ziene mach beperk woort, en in 1888 woort Broenai e Brits protectoraat. Ouch mós 't land acceptere tot zien umvaank tot e minimum beperk woort. In 1906 stelde de Britte zelfs 'nen adviseur aon, dee al zake behave de traditioneel en religieuze kwesties veur de sultan beslisde. In 1959 woort Broenai wier 'n souverein staot. In deen tied kaom vaanoet Maleisië de pressie um Broenai es e deil vaan dat land op te numme; de sultan weigerde oetindelik. Vaanaof 1984 woort de defensie, die tot daan touw in hen vaan de Britte geblaove waor, ouch 'n staotszaak en woort 't land gaans oonaofhenkelik. Nao d'n oorlog woort Broenai ein vaan de riekste len oet de regio, meh geinen ikkenomischen tieger, wie Singapore of Hong Kong, mier 'n euliestaot nao Arabisch modèl.
| Len in Azië |
|---|
| Afganistan | Armenië2 | Azerbaidzjan1 | Bahrein | Bangladesj | Bhoetaan | Börma | Broenai | Cambodja | Cyprus2 | Filipiene | Georgië2 | India | Indonesië | Iraan | Irak | Israël | Japan | Jeme | Jordanië | Katar | Kazachstan | Kirgizië | Koeweit | Laos | Libanon | Maledive | Maleisië | Mongolië | Nepal | Noord-Korea | Oesbekistan | Omaan | Oos-Timor | Pakistan | Palestiense Staot | Papoea Nuuj-Guinea | Rösland1 | Saoedi-Arabië | Singapore | Sjina3 | Sri Lanka | Syrië | Tadzjikistan | Thailand | Törkieë | Turkmenistan | Vereinegde Arabische Emirate | Viëtnam | Zuud-Korea |
| Aafhenkelike gebejer: Akrotiri en Dhekelia2 | Gazastrook | Hong Kong | Makau | Westelike Jordaanover |
| Status betwis: Palestiense Staot | Sjina (nationalistisch) | Sjina (volksrippebliek) | Törks Cyprus |
| 1. Dit land ligk gedeiltelik in Europa. 2. Dit land ligk geografisch in Azië, meh weurt óm cultureel en historische raejes bie Europa ingedeild. 3. Sins 1949 oonder twie regeringe verdeild. |
