Umberto Nobile
Vu Wikipedia, der fräier Enzyklopedie.
Den Umberto Nobile (* 21. Januar 1885 zu Lauro bei Neapel, † 30. Juli 1978 zu Roum) war en italieneschen Loftschëffpionéier.
Den Nobile ass besonnësch duerch d'Polarfahrten mat sengen zwee hallefsteife Loftschëffer berühmt ginn.
Den Nobile war un der Fabrikatioun vum Loftschëff Roma bedeelegt, dat spéider vun der italienescher Reierung un d'USA verkaaft gouf. D'Roma gouf den 21. Februar 1922 zu Hampton (USA) duerch en Accident an der Loft zerstéiert. 34 Leit vun der Equipe koumen dobäi ëm.
1926 huet de Nobile am Loftschëff Norge zesumme mam Roald Amundsen an dem US-amerikanesche Millionär Lincoln Ellsworth den Nordpol iwwerflunn. Si waren awer net di Éischt, well den US-Amerikaner Richard Byrd dräi Deeg virdrunn mat engem Fliger iwwer de Pol geflu war.
Fir en zweete Fluch iwwer de Nordpol, dëss Kéier ouni den Amundsen, ass de Nobile den 23. Mee 1928 vu Spitzbergen aus mat dem Italia gestart. De 25. Mee, um Wee fir zréck, ass d'Loftschëff no bei Spitzbergen erafgefall. Néng Mënsche goufen op d'Äis geworf; doduerch gouf d'Loftschëff méi liicht, ass erëm mat sechs Leit an d'Luucht gaang a gouf ni méi erëm font.
Doropshin gouf eng international Sichaktioun organiséiert, un deeër sech den Amundsen bedeelegt huet. Zënterhier ass den Amundsen vermësst. Den Nobile, dee sech e puer Schanke gebrach hat, gouf vun engem schwedesche Pilot gerett, déi Aner aus der Equipe goufen den 12. Juli vum sowjeteschen Äisbriecher Krassin a Sécherheet bruecht.
