Nico Klopp
Vu Wikipedia, der fräier Enzyklopedie.
Den Nico Klopp war e lëtzebuergesche Moler. Hien ass den 18. September 1894 zu Bech-Maacher gebuer, an den 29. Dezember 1930 an der Stad Lëtzebuerg gestuerwen, wahrscheinlech un engem Gehiirtumor, am Alter vun nëmmen 36 Joer. Hie gëtt zu de postimpressionistesche Moler gerechent.
[Änneren] Säi Liewen
Den Nico Klopp koum aus engem Wënzermilieu. Hien huet d'Handwierkerschoul an der Stad besicht. Seng Elteren si fréi gestuerwen. No hierem Dout, huet hien sech fräi gefillt, fir vu 1915-1920 Konscht zu Düsseldorf a Weimar ze studéieren. Well hien vun der Konscht aleng nët liewe konnt, war hien, vun 1923 u Gemengereceveur zu Réimech. Zäitweileg huet hien och nach op Schoulen Zeechenunterricht ginn an huet och nach zousätzlecht Täschengeld als Kannengercherziichter vedengt. 1927 huet hie sech mat e puer anere Kënschtler, wéi dem Joseph Kutter, dem Claus Cito, dem Auguste Trémont an anere vum Cercle Artistique getrennt, well him den Cercle ze réckstänneg war. Si goufen Sezessioniste genannt, well se 1927 e Salon de la Sécession" organiséiert haten.
E puer vu senge Wierker sinn am Musée National d'Histoire et d'Art an der Stad ze gesinn.
Den Nico Klopp huet vill Biller vun der Musel gemoolt, bekannt si virun allem seng Biller vun der Muselbréck zu Réimech. Hien huet och Blummenbiller gemolt an dobäi hat hien eng Präferenz fir Tulpen. Ausserdeem war hien e Meeschter an Holz- a Linoschnëtter.
[Änneren] Wierker
- Barques Eckernförde-Ostsee (Ueleg)
- Remich avec ses côtes (Ueleg)
- Bech-Kleinmacher (matin d'été) (Ueleg)
[Änneren] Unerkennung
- D'Post huet senger geduecht an huet 1975 ee Käppchen mat der Réimecher Bréck rausbruecht.
[Änneren] Literatur
- Raus, Michel: Nico Klopp - Das Licht der Schatten - Biographischer Versuch, (Publications mosellanes de Schwebsange (1974)
