Letzeburger Volleks Legio'n
Vu Wikipedia, der fräier Enzyklopedie.
 |
Dësen Artikel ass eréischt just eng Skizz. Wann der méi iwwer dëst Thema wësst, sidd der häerzlech invitéiert aus dëse puer Sätz e richtegen Artikel ze schreiwen. Wann dir Hëllef braucht beim Schreiwen, da luusst bis an d'FAQ eran. |
D'Lëtzebuerger Volleks-Legioun (L.V.L.) war eng lëtzebuergesch Resistenz-Organisatioun, déi am Zweete Weltkrich besonnesch am Norden, am Osten an am Zentrum vum Land aktiv war. Si ass am Juni 1941 aus dem Zesummeschloss vun de Resitenzgruppe vun de Letzeburger Scouten (LS) an der Letzeburger Legio'n (LL) ervirgaang.
Exponente vun der L.V.L, waren ënner anerem de Jean Muller, Georges Everling, Tony Noesen, Aloyse Raths a Fernand Schwachtgen. De Victor Abens war och Member vu dëser Grupp.
Inhaltsverzeechnes |
[Änneren] Aktivitéien
D'L.V.L. huet sech staark bei der Persounestandsopnam am Oktober 1941, bei der Virbereedung vum Streik (Aféierung vun der Wehrflicht) agesat. Si huet Deserteuren ënnerbruecht a war och un der Noriichteniwwermëttlung no London bedeelegt, haaptsächlech un der Informatioun vun den Alliéierten iwwert d'Fabricatioun vun der V1 a V2 zu Peenemünde, wat zum Bombardement an zur Zerstéierung vun dësem Fabrikatiounssite geféiert huet.
[Änneren] Programm
D'Letzeburger Volleks-Legio'n war net nëmmen ee Mouvement vu Resistenzler. Si hat och, grad wéi d'L.L., e politesche Programm, an deem hir Usichten iwwert déi politesch Ausrichtung vum Land no der Liberatioun preziséiert waren. Dëse Programm ass iewer net vun alle Memberen ouni Viirbehalt guttgeheescht ginn.
[Änneren] Organisatioun
D'L.V.L. war méi strukturéiert wéi d'L.L.. Si gouf net vun engem eenzege Chef geleet, mee vun engem Legio'nsrot vu sechs Persounen, an deem déi zwou Organisatiounen mat je dräi Mann vertruede waren. Den Aloyse Raths war och Member vun dësem Rot an hat Privilegien, ass awwer net vun allen als Chef betruecht ginn. Hien, dee deemols nach ganz jonk war a spéider an den RAD agezu gouf, huet och net insistéiert.
[Änneren] Scissioun a Reconciliatioun
Der L-V.L. gouf vu verschiddenen Member reprochéiert, datt si méi Zäit fir hire politesche Programm opwende géif, wéi fir d'Resistenzproblemer. Dat war de Grond, firwat verschidde Membere gemengt hunn, et misst een, niewent dem Legio'nsrot , dee fir déi politesch Froe zoustänneg bléif, och en Zenralrot schafen, deen d'Koordinatioun vun de Resistenzaktivitéiten als Aufgab hätt. Dësen Zentralrot gouf och geschaf, iewer ouni dat dës Grënnung vun alle gedro gouf. Dat war de Grond vun enger Scissioun am Mouvement. D'Reconciliatioun, déi am Interesse vun der ganzer Resistenz war, war schwiereg. Dat se zoustane koum ass, gëtt allgemeng dem Aloyse Raths zougeschriwwen, dee sech mat Leif a Séil derfir agesat huet.
[Änneren] Literatur
- Hoffmann, Serge: Le mouvement de résistance LVL au Luxembourg, Archives nationales, 2004, 158 S.
- Muller, Carlo: Luxemburg im 2. Weltkrieg, Geschichte für die Primärschule, (um Internet: Referenz um Spaweck), Luxemburg, 1997
