Heinkel He 70
Vu Wikipedia, der fräier Enzyklopedie.
Den Heinkel He 70 Blitz ass e Schnellverkéierfliger, dee vum Siegfried Günter entworf gouf an zënter 1932 vun den Ernst Heinkel Fligerfabriken zu Rostock am Optrag vun der Lufthansa gebaut gouf. E war eng zäitlang de schnellste Verkéiersfliger op der Welt (Spëtzevitesse 362 km/h), wat him den Numm Blitz abruecht huet. En ass fir d'éischt den 1. Dezember 1932 geflunn, knapps 5 Méint nodeems en entworf gouf.
[Änneren] Geschicht
D' He 70 ass aus aus der Fuerderung vun der Lufthansa no méi engem schnelle Fligertyp enstanen, dee méi séier sollt si wéi den amerikanesche Lockheed Vega dee bei der Swissair fir kuerz Strecken a Betrib war.
Dës Maschinn war e Meilesteen an der Aviatioun, si war duerch hir aerodynamesch Konstruktioun hirer Zäit e Steck viraus. Et war och den éischten europäesche Fliger bzw. den éischte Verkéiersfliger op der Welt dee säi Fuerwirk konnt eranzéien. D'He 70 huet aacht Rekorder opgestallt.
Am Fliger konnte 5 Passagéier matfléien, an de Fliger hat just ee Pilot.
Mat dëser Maschinn huet d'Lufthansa de Flug-Blitzdienst agefouert, dee Berlin mat Frankfurt um Main, Hamburg a Köln verbonnen huet, an och d'Route Köln/Hamburg.
E puer Exemplare goufen exportiert (Ungarn-18 Maschinnen, Spuenien, England). Eng Maschinn gouf vun der englescher Firma Rolls Royce kaaft fir hir stark Moren ze testen.
Nieft der ziviler Ausféirung goufen och militäresch Versiounen entwéckelt.
