Communautéiten, Regiounen a Provënze vun der Belsch

Vu Wikipedia, der fräier Enzyklopedie.

D'Belsch ass e federale Staat, dee sech aus dräi Communitéiten (oder Gemeinschaften), dräi Regiounen, a véier Linguisteche Regiounen zesummesetzt. Zwou vun den dräi Regioune bestinn aus je fënnef, deemno am ganzen zéng Provënzen.

D'Belsch huet och 589 Gemengen. Nieft dësen Ënnerandeelungen, déi an der Belscher Verfaassung definéiert sinn, ginn et nach Distrikter bannent de Gemengen, Police- a Wahldistrikter, asw.

Vereinfacht ausgedréckt sinn d'Regiounen zoustänneg fir alles, wat mam "Buedem" ze dinn huet, also Landesplanung, Landwirtschaft, Transport, Energie, Ëmwelt, asw., an d'Communautéite fir dat, wat mat "Sprooch" ze dinn huet, deemno Erzéiung, Kultur, Sport, asw. De Federalstaat selwer huet an deene leschte Joerzéngten ëmmer méi Kompetenzen un d'Regiounen an d'Communautéiten ofginn, esou dass net méi vill "nationales" méi rescht bliwwen ass.

All dës Ënnerandeelungen hu geographesch Grenzen: d'Regiounen, d'Sproochregiounen, d'Communautéiten, d'Provënzen an d'Gemengen. D'Andeelung a Communautéiten as och geographesch delimitéiert: D'Flämesch Regieurng huet Gesetzesautoritéit (wat Communautéits-Kompetenzen ubelaangt) nëmmen an der Regioun Flandern an an der Regioun Bréissel-Haaptstad; d'franséisch Communautéit huet analog just Pouvoiren iwwer communautaire Themen a Wallounien an an der Haaptstadregioun Bréissel. An anere Wierder: E Flam, deen zu Arel wunnt, kann sech net op déi flämesch Gesetzgebung mat bezuch op déi Flämesch Communautéit beruffen. Déi Belsch Communautéite bezéien sech net direkt op Leit (oder Gruppe Leit), mee op politesch, kulturell a sprochlech Kompetenzen a verschiddene Regioune vum Land.

Deemno ass déi Flämesch Communautéit kompetent an der Flämescher a Bréisseler Regioun, déi Franséisch an de Regioune Wallounien (mat Ausnam vun deene Gemengen, wou däitsch geschwat gëtt) a Bréissel, an déi däischsproocheg Communautéit fir en Deel vun der Provënz Léck, laangscht d'däitsch Grenz.

Déi dräi Regioune sinn d'Haaptstadregioun Bréissel, d'Flämesch Regioun an d'Wallounesch Regioun.

Déi dräi Communautéite sinn:

d'franséischsproocheg Franséisch Communautét vun der Belsch (Communauté Française de Belgique)
d'hollänneschsproocheg Flämesch Communautéit (Vlaamse Gemeenschap) an
d'Däitschsproocheg Communautéit vun der Belsch (Deutschsprachige Gemeinschaft Belgiens.

Am Géigesaz zu deenen anere Regiounen hunn d'Flämesch Rgioun an d'Flämesch Communautéit hirt Parlament an hir Regieurng zesummegeluecht.

Déi véier linguistesch Regioune sinn déi franséischsproocheg Regioun, déi däitschsproocheg Regioun, déi hollänneschsproocheg Regioun an déi zweesproocheg Regioun Bréissel-Haaptstad.

[Änneren] Communautéiten

Communautéiten	Flämesch Communautéit	Franséisch Communautéit	Däitschsproocheg Communautéit
Hollänneschen Numm	Vlaamse Gemeenschap	(Franse Gemeenschap)	(Duitstalige Gemeenschap)
Franséischen Numm	(Communauté flamande)	Communauté française	(Communauté germanophone)
Däitschen Numm	(Flämische Gemeinschaft)	(Französische Gemeinschaft)	Deutschsprachige Gemeinschaft
Lag
Fändel			Image:FlagofGermanBelgium.png
Haaptstad	Bréissel (zesumme mat der Flämescher Regioun)	Bréissel	Eupen
Ministerpresident	Yves Leterme (zesumme mat der Flämescher Regioun)	Marie Arena	Karl-Heinz Lambertz
Website	www.flanders.be	www.cfwb.be	www.dglive.be

[Änneren] Regiounen

Regioun	Flämesch Regioun	Wallounesch Regioun	Haaptstadregioun Bréissel
hollänneschen Numm	Vlaams gewest	(Waals gewest)	Brussels Hoofdstedelijk Gewest
franséischen Numm	(Région Flamande)	Région Walonne	Région Bruxelles-Capitale
däitschen Numm	(Flämische Region)	Wallonische Region	(Hauptstadtregion Brüssel)
Lag
Fädel
Haaptstad	Bréissel	Namouer	Bréissel
Fläch	13522 km²	16844 km²	161 km²
Awunnerzuel	6,043,161	3,358,560	1,006,749
Populatiounsdicht	442/km²	199/km²	6238/km²
Ministerpresident	Yves Leterme	Elio Di Rupo	Charles Picqué
Website	www.flanders.be	www.wallonie.be	www.brussels.irisnet.be

[Änneren] Provënzen

Kuckt och den Artikel Belsch Provënzend'Artikelen [[{{{2}}}]] an [[{{{3}}}]]d'Artikelen [[{{{4}}}]], [[{{{5}}}]] an [[{{{6}}}]]d'Artikelen [[{{{7}}}]], [[{{{8}}}]], [[{{{9}}}]] an [[{{{10}}}]].