Charlys I a Alban
Dhiworth Wikipedia, an godhoniador rydh
Charlys I (19ves Du 1600–30ns Genver 1649) o Myghtern Pow Sows, Alban hag Iwerdhon a-dhia 27ns Meurth 1625 bys y vernans. Yth esa ev ow kwynnel rag galloes erbynn an Senedh; y skoedhya ev 'ewnder dywyel myghternedh', ha lies Senedheger a dhoutya y kwaynnya ev nerth pur. Yth esa enebieth efan orth y wriansow, r.e. tolli heb bodh an Senedh.
Charlys o eskarek orth Puredhydhieth, hag a skoedhya solempnytys Eglos Pow Sows kowal yn Lyver Pysadow Kemmyn.
Fog an diwettha blydhynyow a reyn Charlys o Bresel Sivil Pow Sows. Charlys o fethys, gwrys prisner, ha dibennys avel traytour. Y teuth Pow Sows ha bos repoblek (po turanneth an lu). Mab Charlys, Charlys II, a dhehwela yn Restoryans an Myghternses yn 1660.
Kernowyon a skoedhas an Myghtern, dre vras, ha teyrgweyth an Senedhegoryon a omsettyas Kernow. Charlys a skrifas lyther geryes da ow kormel an Gernowyon rag aga lelduri (an lyther ma John Keigwin a dreylyas yn Kernewek). Yn Eglos Pow Sows, y prederir Charlys yn merthyr ha sans. Eglos unn plyw yn Aberfal yw omres dhe Jarlys Myghtern.
| Bleynyes gans: Jamys VI |
Myghtern Pow Sows 1625—1649 |
Holyes gans: Les an Gemmyn (Oliver Cromwell, an Arloedh Difresor) |
