პორტალი:ხელოვნება

ვიკიპედიიდან

ინდექსი · ძიება · კატეგორიები · რჩეული სტატიები · ყველა თემა

გეოგრაფია · ისტორია · კულტურა · მეცნიერება · რელიგია · საზოგადოება · საქართველო · სპორტი · ხელოვნება

კეთილი იყოს თქვენი მობრძანება ხელოვნების პორტალში

ხელოვნება, ვრცელი გაგებით, ადამიანის შემოქმედებისა და წარმოსახვის ფიზიკური გამოხატვაა ნაწარმოებებში, რომელიც აერთიანებს სინამდვილისა თუ მოგონილის მხატვრული გამოხატვის სხვადასხვა ფორმებს. სიტყვა ხელოვნება აღიქმება როგორც ბუნებრივის საპირისპირო ცნება. ამ მნიშვნელობით ხელოვნებას მიეკუთვნება ყველაფერი, რაც არაბუნებრივი წარმოშობისაა, ანუ შექმნილია ადამიანის (ავტორის, ხელოვანის) მიერ. თანამედროვე ინტერპრეტაციით, ხელოვნების განსაზღვრებები ასახავს ესთეტიკურ კრიტერიუმებს, და ტერმინი ერთნაირად შეეხება ლიტერატურას, მუსიკას, ცეკვას, დრამატურგიას, მხატვრობას, სკულპტურასა და არქიტექტურას.

რჩეული სტატია

ტიხრული მინანქარი ლითონის მინანქრით დაფარვის ტექნოლოგიაა. მისი უძველესი ნიმუშები გვხვდება ძველ ეგვიპტეში (ოქროს ნაკეთობებში) და ჩინეთში, ასევე გვიანდელი პერიოდის რომში (ბრინჯაოზე).

ლითონის ფირფიტის მინანქრით მოწერის რამდენიმე ტექნოლოგია არსებობს. ე. წ. ამოღრმავებულ ლითონის ფირფიტაში მინანქრის ამოვსების ტექნოლოგია დასავლეთში XII საუკუნეში გავრცელდა, მათ შორის ცნობილია სამი სკოლა: მაასის - მდინარე მაასის ველზე, ლოთარინგიაში (ოსტატები: გოდფრუა დე კლერი და ნიკოლოზ ვერდენელი), რაინისა - ცენტრი ქ. კიოლნი (ოსტატები: ბერები აილბერტუსი და ფრიდერიკუსი) და ლიმოჟისა - ცენტრი ქ. ლიმოჟი, საფრანგეთი. გარდა ამოღრმავებულისა მინანქრით დაფარვის ტექნოლოგიებს შორის არსებობს კვეთილი, ფერწერული, ვიტრაჟული და ტიხრული.

ქართულ ხელოვნებაში უმთავრესად ტიხრული მინანქარია ცნობილი. ამოღრმავებული მინანქრის ერთადერთი ნიმუში, რომელიც ჯუმათის ეკლესიაში იყო დაცული, ამჟამად დაკარგულია. მინანქარს თვალსაჩინო ადგილი უჭირავს შუა საუკუნეების ქართულ ხელოვნებაში. იგი ისევე ფასობდა, როგორც ხუროთმოძღვრება, კედლის მხატვრობა და რელიეფური პლასტიკა. ამის ყველაზე თვალსაჩინო ნიმუში ხახულის ხატზე შემორჩენილი მინანქრის რაოდენობა და შესრულების დონეა. ქართული ტიხრული მინანქრის კოლორიტი განსხვავდება სხვა (მაგ., ბიზანტიური) ქვეყნების ტიხრული მინანქრისგან. ქართული მინანქრის ფერებს შორის თავისებურია ე.წ. ღვინისფერი და გამჭვირვალე მწვანე. (...სრულად.)

კანდიდატები

კვირის პიროვნება

ჯორჯია ო’კიფი (Georgia O'Keeffe)(* 15 ნოემბერი, 1887 - 6 მარტი, 1986) - ამერიკელი მოდერნისტი ფერმწერი. დაიბადა ქალაქ სან-პრერიში, ვისკონსინი, მერძევე ფერმერთა ოჯახში. ადრეული ასაკიდან მიზნად დაისახა მხატვარი გამოსულიყო და 1904-1905 წლებში ჩიკაგოს ხელოვნების ინსტიტუტში, ხოლო 1907-1908 წლებში კი ნიუ-იორკის სამხატვრო სტუდენტთა ლიგაში სწავლობდა. შემდეგ ის ხელოვნებას ასწავლის ტეხასისა და სამხრეთის შტატების სხვადასხვა სკოლებში 1912-1916 წლებში. მოგვიანებით ნიუ-იორკში მისი ნამუშევრები აღმოაჩინა ამერიკელმა ფოტოგრაფმა ალფრედ შტიგლიცმა. ამ ორი ხელოვნის ცხოვრებისეული ურთიერთობა მათი შეუღლებით დაწყო 1924 წელს.

ო’კიფის ადრეული სურათები ძირითადად იმიტაციები იყო, თუმცა 20-იანი წლების დასაწყისში მას უკვე ხატვის დახვეწილი ინდივიდუალისტური სტილი აქვს. ხშირად მისი ხატვის ობიექტები ცხოველთა ქალისა და ძვლების, ყვავილების, მცენარეთა ორგანოების, ნიჟარების, ქვებისა და სხვა ნატურალური ფორმების გამოსახულება იყო გაზრდილ მასშტაბებში. 1912 წლის ზაფხულში ვირჯინიის უნივერსიტეტის საზაფხულო ლექციებზე ის ეცნობა ართურ დოუს ხატვის უჩვეულო ტექნიკასა და იდეებს, რომელთა მიზანი ხაზებით, ფერებით, მასებით, თემების უსასრულო განმეორებითა და სიმეტრიით მიღებული აბსტრაქტული ხელოვნება იყო. დოუს ამგვარმა ტექნიკამ დიდი გავლენა იქონია ო'კიფის შემოქმედებით პროცესზე. (...სრულად)

განახლება

ქვეპორტალები


არქიტექტურა	თეატრი

კინო	ლიტერატურა

მუსიკა	სახვითი ხელოვნება

განახლება

კატეგორიები

ხელოვნება •

არქიტექტურა • დიზაინი • თეატრი • კინო • ლიტერატურა • მუსიკა • მხატვრობა • სახვითი ხელოვნება • სკულპტურა • ფოტოგრაფია • ცეკვა • ოპერა • ხელოსნობა

რედაქტირება

მიმდინარეობები

ხელოვნების მიმდინარეობები •

ბაროკო • როკოკო • კლასიციზმი • რომანტიზმი • სენტიმენტალიზმი • რეალიზმი • ნატურალიზმი • სიმბოლიზმი • ავანგარდიზმი • მოდერნიზმი • პოსტმოდერნიზმი • დადაიზმი

რედაქტირება

რჩეული ციტატა

"ამერიკა ჩემი სამშობლოა, პარიზი კი — მშობლიური ქალაქი" — გერტრუდ სტაინი.

შემდეგი ციტატა / არქივი / რედაქტირება

კვირის პროექტი

მსურველებს ვთხოვთ თარგმნოთ სტატია ბურჭულაძე, პაატა გერმანულიდან de:Paata Burchuladze.

კანდიდატები / რედაქტირება

დღის ფოტოსურათი

"დანტე და ვირგილიუსი ჯოჯოხეთში" (1850), შთაგონებული დანტე ალიგიერის "ღვთაებრივი კომედიით", იყო უილიამ-ადოლფ ბუჟეროს პირველი მნიშვნელოვანი ნამუშევარი. ჯოჯოხეთის მისეულ აღწერაში დანტე და რომაელი პოეტი ვირგილიუსი (უკანა ხედზე) აკვირდებიან ჯოჯოხეთის მკვიდრთ.

საკუთარ პერიოდში ბუჟერო მსოფლიოს ერთ-ერთ უდიდეს მხატვრად იყო აღიარებული, თუმცა მე-20 საუკუნის დასაწყისში მას უკვე არაფრად აგდებდნენ, შესაძლოა მისი იმპრესიონისტთა მიმართ აგრესიულობის გამო. მიუხედავად ამისა, დღეს მას თაყვანისმცემლების ახალი დიდი ტალღა შეემატა - მისი ნამუშევრები მსოფლიოს ასზე მეტ უდიდეს მუზეუმშია გამოფენილი.

ავტორი: ვილიამ-ადოლფ ბუჟერო
სხვა რჩეული ფოტოები / რედაქტირება

Retrieved from "http://ka.wikipedia.org../../../%E1%83%AE/%E1%83%94/%E1%83%9A/%E1%83%9E%E1%83%9D%E1%83%A0%E1%83%A2%E1%83%90%E1%83%9A%E1%83%98%7E%E1%83%AE%E1%83%94%E1%83%9A%E1%83%9D%E1%83%95%E1%83%9C%E1%83%94%E1%83%91%E1%83%90.html"

კატეგორიები: ძირითადი პორტალები | ხელოვნება | ხელოვნების პორტალები

პორტალი:ხელოვნება

ვიკიპედიიდან

Views

ნავიგაცია

ძიება

სხვა ენებზე