ქეცბაია, თემურ

ვიკიპედიიდან

თემურ ქეცბაია (*18 მარტი, 1968, გალი), ქართველი ფეხბურთელი, 1990-იანი წლების საქართველოს ეროვნული საფეხბურთო ნაკრების წამყვანი მოთამაშე.

საფეხბურთო კარიერა სოხუმის დინამოში დაიწყო. 1987 წელს პერსპექტიული ნახევარმცველი ქართული ფეხბურთის ფლაგმან თბილისის დინამოში გადავიდა. 1992 წელს კვიპროსულ კლუბში (ფამაგუსტას "ანორთოსისი") გადადის, 1994 წელს კი – საბერძნეთში, ათენის "AEK" ირიცხება, რომლის შემდგენლობაშიც საბერძნეთის ჩემპიონი და ფანების კერპი ხდება.

1997 წელს ქეცბაიას წარმატებული თამაში საბერძნეთსა და საქართველოს ეროვნულ ნაკრებში ინგლისური "ნიუკასლის" სელექციონერებისთვის შეუმჩენეველი არ დარჩა და თემური, როგორც თავისუფალი აგენტი, ჩრდილოინგლისური კლუბის წევრი გახდა. მიუხედავად იმისა, რომ ფანების ფავორიტი იყო და მისმა გოლმა გუნდი ჩემპიონთა ლიგის ჯგუფურ ეტაპზე გაიყვანა, კლუბი მას იშვიათად იყენებდა, განსაკუთრებით კი რუუდ გულიტის მწვრთნელობის დროს. 2000 წელს ქეცბაიას სენტ-ჯეიმსის პარკის დატოვება მოუხდა და ქვედალიგელ "ვულვერჰემპტონთან" £900,000-ად აფორმებს კონტრაქტს, თუმცა აქაც დიდხანს ვერ ჩერდება და 2001 წელს შოტლანდიური "დანდის" წევრი ხდება. 2002 წლის ზაფხულს "ანორთოსისში" ბრუნდება მოთამაშე-მწვრთნელად.

სადღეისოდ ქეცბაიას კვიპროსული კლუბის მთავარი მწვრთნელი და საუკეთესო ბომბარდირია.

ეს დაუსრულებელი სტატიაა პიროვნების შესახებ.
თქვენ შეგიძლიათ დაეხმაროთ ვიკიპედიას და შეავსოთ იგი.

Retrieved from "http://ka.wikipedia.org../../../%E1%83%A5/%E1%83%94/%E1%83%AA/%E1%83%A5%E1%83%94%E1%83%AA%E1%83%91%E1%83%90%E1%83%98%E1%83%90%2C_%E1%83%97%E1%83%94%E1%83%9B%E1%83%A3%E1%83%A0.html"

კატეგორიები: დაუსრულებელი სტატიები პიროვნების შესახებ | ქართველები | ქართველი ფეხბურთელები | დაბადებული 1968

ქეცბაია, თემურ

ვიკიპედიიდან

Views

ნავიგაცია

ძიება

სხვა ენებზე