იოსები, ალექსანდრე V-ის ძე

ვიკიპედიიდან

იოსები (― † 13 მაისი. 24 მაისი. 1776), დასავლეთ საქართველოს კათოლიკოს-პატრიარქი 1769-1776 წლებში, იმავდროულად გელათის მიტროპოლოტი 1745-1776 წლებში, იმერთა მეფის ალექსანდრე V-ის ძე, სოლომონ I-ის უფროსი ძმა. კათოლიკოს-პატრიარქად დანიშნა სოლომონ I-მა. იყო ცენტრალური ხელისუფლების გაძლიერების მომხრე. 1760 წელს გელათის ღვთისმშობლის ტაძარში ააშენა სამღვდელთმთავრო ქვის ტახტი, რომლის წარწერაშიც იხსენიება. გამოხატულია ამავე ტაძრის კედლებზე. დაეხმარა სოლომონ I-ს რაჭის ერისთავის როსტომის საბოლოო განადგურებაში. 1771-1773 წლებში იოსებს მოლაპარაკება ჰქონდა კაცია II დადიანთან ზავის შესახებ, მაგრამ შედეგს ვერ მიაღწია. იოსები იცავდა დასავლეთ საქართველოს საეკლესიო ერთიანობას, ამიტომაც არ ცნობდა დადიანის მიერ ახალდადგენილ ოდიშის კათოლიკოს-პატრიარქს. იოსებს პოლიტიკურ-კონფესიონალურ ნიადაგზე უთანხმოება ჰქონდა იმხანად იმერეთში მყოფ იტალიელ მისიონერებთან.

Retrieved from "http://ka.wikipedia.org../../../%E1%83%98/%E1%83%9D/%E1%83%A1/%E1%83%98%E1%83%9D%E1%83%A1%E1%83%94%E1%83%91%E1%83%98%2C_%E1%83%90%E1%83%9A%E1%83%94%E1%83%A5%E1%83%A1%E1%83%90%E1%83%9C%E1%83%93%E1%83%A0%E1%83%94_V-%E1%83%98%E1%83%A1_%E1%83%AB%E1%83%94_9029.html"

კატეგორიები: ქართველები | საქართველოს კათოლიკოსები | გარდაცვლილი 1776

იოსები, ალექსანდრე V-ის ძე

ვიკიპედიიდან

Views

ნავიგაცია

ძიება