ევანსი, როდ

ვიკიპედიიდან

როდ ევანსი

ბიო
დაიბადა	19 იანვარი 1947
წარმოშობის ადგილი	ქალაქი სლაუ, ბერკშირის საგრაფო, ინგლისი
ჟანრი/ები	ჰარდ როკი
საქმიანობა/ები	მომღერალი
აქტივობის წლები	1966 - 1980

ბრიტანელი მომღერალი და ჯგუფ დიფ ფარფლის ერთ-ერთი დამაარსებელი როდ ევანსი 1947 წლის 19 იანვარს დაიბადა ქალაქ სლაუში (ბერკშირის საგრაფო). 1969 წელს, სამი წარმატებული ალბომის გამოშვების შემდეგ, ევანსი დიფ ფარფლიდან გაუშვეს, მის ნაცვლად კი ჯგუფში ვოკალისტად იან გილანი მიღეს. როდ ევანსის წასვლის შემდეგ ჯგუფის მუსიკა უფრო ჰარდ როკის სტილში განვითარდა. ევანსის მოღვაწეობისას კი მას უფრო პროგრესიული და პოპ მიმართულება ჰქონდა.

დიფ ფარფლამდე როდ ევანსი იან პეისისთან ერთად ჯგუფ მეიზში მღეროდა. 1966 წლისთვის ჯგუფის შემადგენლობა შემდეგი იყო:

როდ ევანსი - ვოკალი
როჯერ ლუისი - გიტარა
კრის ბენჰამი - კლავიშები
ერიკ კინი - ბას-გიტარა
იან პეისი - დასარტყამები

დიფ ფარფლიდან წასვლის შემდეგ როდ ევანსმა, ჯონი ვინთერის ყოფილ დრამერ ბობი ქოლდველთან, გიტარისტ რაინოსა (ლარი რეინჰარდტი) და ბასისტ ლი დორმანთან ერთად ჯგუფი ქეფთენ ბიონდ ჩამოაყალიბა. ეს ჯგუფი საკმაოდ პოპულარული იყო, თუმცა მუსიკალური წარმატებები მათი ალბომების გაყიდვაზე არასოდეს ასახულა. კომერციული წარუმატებლობა ჯგუფის არსებობის შეწყვეტის მიზეზი გახდა.

ქეფთენ ბიონდის დაშლის შემდეგ როდ ევანსმა მუსიკის სფერო დატოვა და 1980 წლამდე დასავლეთ ამერიკის ერთ-ერთ სავადმყოფოში მუშაობდა. 1980 წელს ევანსმა, საზოგადოებისთვის უცნობ რამდენიმე მუსიკოსთან ერთად, დიფ ფარფლის სახელით ტურნე წამოიწყო. წარმოდგენებმა მსმენელების უკმაყოფილება გამოიწვია. ევანსს დიფ ფარფლის ნამდვილმა მენეჯმენტმა უჩივლა, მიყენებული ზარალი $672 000-ად შეფასდა. სასამართლოს შედეგად როდ ევანსი აღარ იღებს დიფ ფარფლის პორველი სამი ალბომის გაყიდვებიდან შემოსავალს.

მომხდარი ინციდენტის შემდეგ როდ ევანსმა საბოლოოდ მიატოვა მუსიკალური კარიერა და მას შემდეგ საზოგადოების ყურადღების ცენტრში აღარ მოხვედრილა.

დაკავშირებული სტატიები
ეს დაფა: ხ • გ • რ დიფ ფარფლი
გილანი, იან \| მორსი, სტივ \| გლოვერი, როჯერ \| ეირი, დონ \| პეისი, იან
ბლექმორი, რიჩი \| ლორდი, ჯონ \| სატრიანი, ჯო \| ტერნერი, ჯო ლინ \| ბოლინი, ტომი \| კოვერდეილი, დევიდ \| ჰიუზი, გლენ \| ევანსი, როდ \| სიმპერი, ნიკ
რეინბოუ \| გილანის ჯგუფი \| ბლექმორს ნაით \| ბლექ საბათი \| ვაით სნეიქი

Retrieved from "http://ka.wikipedia.org../../../%E1%83%94/%E1%83%95/%E1%83%90/%E1%83%94%E1%83%95%E1%83%90%E1%83%9C%E1%83%A1%E1%83%98%2C_%E1%83%A0%E1%83%9D%E1%83%93.html"

კატეგორიები: დიფ ფარფლი | ბრიტანელები | როკ-მომღერლები | დაბადებული 1947

ევანსი, როდ

ვიკიპედიიდან

Views

ნავიგაცია

ძიება

სხვა ენებზე