დმანისის რაიონი

ვიკიპედიიდან

დმანისის რაიონი

დმანისის რაიონი არის ადმინისტრაციული რაიონი ქვემო ქართლის მხარეში. რაიონის ტერიტორია 1917 წლამდე ტფილისის გუბერნიის ბორჩალოს მაზრაში, 1917-30 წლებში - ტფილისის მაზრაში, 1930-33 წლებში - წალკის რაიონში, შემდეგ - დამოუკიდებელი რაიონია. რაიონის ადმინისტრაციული ცენტრია ქალაქი დმანისი.

[რედაქტირება] ბუნება

მდებარეობს ჯავახეთის ქედის აღმოსავლეთ კალთებზე. ტერიტორია - 1198 კვ.კმ., მათ შორის სასოფლო-სამეურნეო სავარგულებს უკავია 800 კვ.კმ. რაიონის ტერიტორიაზე მიედინება მდინარე ხრამი და მისი შენაკადები.

[რედაქტირება] მოსახლეობა

მოსახლეობის რიცხოვნობა - 28 ათასი კაცი; სიმჭიდროვე - 23 კაცი კვ.კმ-ზე. რაიონში 59 დასახლებული პუნქტია: 1 ქალაქი და 58 სოფელი.

[რედაქტირება] მმართველობა

რაიონის წარმომადგენლობითი ორგანოა რაიონის საკრებულო, ხოლო აღმასრულებელო ორგანო - გამგეობა. რაიონის ადგილობრივი თვითმმართველობის ერთეულებია:

ქალაქის საკრებულო - 1: დმანისი;
თემის საკრებულო - 13: ამამლოს თემი, განთიადის თემი, გომარეთის თემი, გუგუთის თემი, დიდი დმანისის თემი, დმანისის თემი, კამარლოს თემი, კიროვისის თემი, მაშავერას თემი, სარკინეთის თემი, ქვემო ოროზმანის თემი, ყარაბულაღის თემი, ყიზილქილისის თემი.
სოფლის საკრებულო - 2: ირგანჩაი, საკირე.

[რედაქტირება] ეკონომიკა

წამყვანი დარგია სოფლის მეურნეობა, ძირითადად მეკარტოფილეობა და მეცხოველეობა. არის მცირე სიძლავრის საწარმოები.

[რედაქტირება] კულტურა

რაიონში 44 სახელმწიფო ზოგადსაგანმანათლებლო სკოლაა, 21 ბიბლიოთეკა, 1 თეატრი. გამოდის რაიონული გაზეთი.

[რედაქტირება] ღირშესანიშნაობანი

განთიადის, დიდი გომარეთის, კაკლიანის ღვთისმშობლის ეკლესიები, მონასტერი "ლამაზი საყდარი", დმანისის ქარვასლა და ეკლესიები, ნაქალაქარი.

ქვემო ქართლის მხარე
რუსთავი \| ბოლნისის რაიონი \| გარდაბნის რაიონი \| დმანისის რაიონი \| თეთრი წყაროს რაიონი \| მარნეულის რაიონი \| წალკის რაიონი