Cirebonan
Saka Wikipédia, Ènsiklopédhi Bébas ing basa Jawa / Saking Wikipédia, Bauwarna Bébas mawi basa Jawi
Cirebon parake ana ing watese Jawa Kulon lan Jawa Tengah. Tlatah iki panggonane ana ing jalur niyaga lan lintasan sepur saka Jakarta nganthi Surabaya. Saliyane iku dadi jalur penting kanggo panyebaraning agama Islam ing tlatah Pasundan. Cirebon piturut salah siji sumber asale saka ukara Cai Rebon utawa ana sing ngarani Caruban. Cirebon dadi pusat kasultanan sing tansah ana ing Jawa Kulon lan dibagi dadi 4 kraton, yaiku :
- Kraton Kasepuhan
- Kraton Kanoman
- Kraton Kapangeranan
- Kraton Kacirebonan
[sunting] Basa Cirebonan
Cirebon nduwe tetenger khas sing ora ana ing tanah Pasundan. Cacah Cirebon dideleng saka budaya lan basane luwih cedhak ing budaya Jawa, basa sing dianggo uga salah siji cara Jawa sing diarani Basa Jawa Cirebon utawa Basa Cerbon. Basa lan budaya Cerbonan kasebar mila saka segara lor Karawang nganthi wates Jawa Tengah. Basa Cerbonan tansah nyimpen ukara lan pelafalan Jawi Kuna sing wis ora dianggo ing Jawa anyaran saiki, lan saka sisi undhak-usuk basa, basa utawa cara Cerbonan iki dibagi dadi loro, yaiku :
- Bebasan (padha karo Krama)
- Kasar (padha karo Ngoko)
Basa iki uga diajarke ing sekolah-sekolah tlatah Cirebon lan Indramayu, saliyaning Basa Sunda. Ukara-ukara basa Cerbon akeh sing nyilih saka Basa Sunda lan sawalike. Dadi wong Cerbon akeh sing ngerti Basa Sunda, nanging ora bisa omonge langsung.
[sunting] Seni Cirebonan
Kesenian Cirebon iku asil campuraning budaya Jawa lan Sunda uga budaya liyane sing wis mlebu ing kana.
- Tarling
- Wayang Kulit Cirebonan
- Tari Topeng Cirebonan
- Balik ing : Kaca Utama
