Tegund (líffræði)
Úr Wikipediu, frjálsa alfræðiritinu
Tegund lífvera er grunneining líffræðilegrar fjölbreytni. Í vísindalegri flokkun er tegund lífvera gefið tvínefni þar sem fyrra heitið er heiti ættkvíslarinnar en það síðara til nánari aðgreiningar.
Frá því þróunarkenningin kom fram á sjónarsviðið hafa hugmyndir manna um hvað skilgreini tegund lífveru breyst mikið. Ekkert almennt samkomulag er þó um það hvernig beri að skilgreina tegund. Almennasta skilgreiningin er upphaflega komin frá Erns Mayr þar sem sá hæfileiki að geta eignast afkvæmi innbyrðis aðgreini tegund frá öðrum. Ýmsar aðrar skilgreiningar eru til.
