Landsvirkjun
Úr Wikipediu, frjálsa alfræðiritinu
 |
|
| Gerð: | Opinbert fyrirtæki |
|---|---|
| Slagorð: | Góðir straumar í 40 ár. |
| Stofndagur: | 1. júlí 1965 |
| Staðsetning: | Reykjavík, Ísland |
| Lykilmenn: | Jóhannes Geir Sigurgeirsson formaður stjórnar, Friðrik Sophusson, forstjóri |
| Starfsemi: | Nýting orkuauðlinda |
| Vefslóð: | www.landsvirkjun.is |
Landsvirkjun er opinbert fyrirtæki í eigu Íslenska ríkisins sem vinnur að rannsóknum og nýtingu á orkuauðlindum Íslands. Landsvirkjun rekur í þeim tilgangi nokkrar vatnsaflsvirkjanir og framleiðir orku fyrir notkun á heimilum landsins og í stóriðju.
Efnisyfirlit |
[breyta] Saga
Landsvirkjun var stofnuð af íslenska ríkinu og Reykjavíkurborg 1. júlí 1965. Þá féll í skaut Landsvirkjunar að sjá um rekstur Ljósafossvirkjunar, Steingrímsvirkjunar og Írafossvirkjunar við Sogið. Fyrst um sinn beitti Landsvirkjun sér eingöngu á suðvestur- og vesturlandi. Fyrsta stórframkvæmd Landsvirkjunar var bygging Búrfellsvirkjunar sem lauk á árunum 1969-70. Þá byggði Landsvirkjun Sigölduvirkjun á árunum 1973-77. Árið 1977 hófust framkvæmdir við Hrauneyjarfossvirkjun og var hún tilbúin 1981. Árið 1983 keypti Akureyrarbær 5% eignarhlut í Landsvirkjun af Reykjavíkurborg, þá eignaðist Landsvirkjun Laxárvirkjun og gufuaflstöðina við Bjarnarflag. Árið 1984 réðist Landsvirkjun til framkvæmda við Blönduvirkjun og var hún tekin í rekstur 1991. Árið 1985 keypti Landsvirkjun Kröfluvirkjun af íslenska ríkinu og tók þar með við rekstri hennar. Árið 1997 hófust framkvæmdir við Sultartangavirkjun í Þjórsá og var hún fullbúin 2000. Árið 1999 var Vatnsfellsvirkjun byggð og lauk þeim framkvæmdum 2001. Í byggingu nú er Kárahnjúkavirkjun norðan Vatnajökuls og hefur hönnun þriggja virkjana neðst í Þjórsá; Hvammsvirkjun, Holtavirkjun og Urriðafossvirkjun, verið boðin út.
Árið 2005 kom út bókin „Landsvirkjun 1965 - 2005, fyrirtækið og umhverfi þess“. [1]
[breyta] Starfsmenn
Í bæklingi sem Landsvirkjun gaf út sem heitir „Orkan okkar“ kemur fram að árið 2003 störfuðu rúmlega 300 manns hjá fyrirtækinu. [2] Friðrik Sophusson er forstjóri.
Í stjórn sitja:
- Jóhannes Geir Sigurgeirsson (formaður), bóndi
- Illugi Gunnarsson (varaformaður), hagfræðingur
- Kristján Þór Júlíusson, bæjarstjóri Akureyrarbæ
- Ágúst Einarsson, prófessor í hagfræði við Háskóla Íslands
- Álfheiður Ingadóttir, líffræðingur
- Steinunn Valdís Óskarsdóttir, borgarfulltrúi
- Vilhjálmur Þ. Vilhjálmsson, borgarstjóri Reykjarvíkurborgar
Varamenn í stjórn eru:
- Árni Þór Sigurðsson, borgarfulltrúi
- Dofri Hermannsson, varaborgarfulltrúi
- Hanna Birna Kristjánsdóttir, borgarfulltrúi
- Jakob Björnsson, framkvæmdastjóri
- Kjartan Gunnarsson, lögfræðingur
- Vigdís M. Sveinbjörnsdóttir, bóndi
- Þorvarður Hjaltason, framkvæmdastjóri
[breyta] Sjá einnig
- RARIK
- Orkumálastofnun
- Orkuveita Reykjavíkur
