Kaupmannahafnarháskóli
Úr Wikipediu, frjálsa alfræðiritinu
Kaupmannahafnarháskóli (danska: Københavns Universitet) er elsti og stærsti háskóli Danmerkur. Hann var stofnaður í tíð Kristjáns I árið 1479 og kenndi fyrst og fremst guðfræði, en einnig lögfræði, læknisfræði og heimspeki, fyrstu aldirnar.
Íslendingar tóku fyrst að sækja Kaupmannahafnarháskóla að einhverju ráði nokkru eftir siðaskipti, einkum vegna aukinna tengsla við Danmörku og konungsvaldið. Fram að þeim tíma höfðu þeir sótt háskóla í Þýskalandi og Englandi og héldu því raunar áfram fram yfir aldamótin 1600.
