Sociologio
From Wikipedia
Sociologio es la sistemala studio quo vizas deskriptar ed explikar kolektiva homala konduto - en kulturi, socii, komunesi e subgrupi - per explorar la institucala relati qui existas inter individui qui sustenas ica konduto.
Sociologio relatas antropologio, quo tradicionale enfokigas mikra, izolita socii, e sociala psikologio, quo emfazas subgrup-konduto. Hodie sociologio emfazas la studio di sociala strukturi ed institucuri e la kauzi ed efekti di chanjo. Pro to sociologio relatas ekonomiko e politikala cienco.
Ne ja matura fako, sociologio ankore vacilas inter la tradiciono di spekulala exploro e la probi fondar sua explori sur ti dil fizikala cienci. Precipue pro la komplexeso di lua temo e la politikal impliki di sociala chanjo, questioni pri justa metodi e skopi es ankore nesolvita. Esas poke dubitebla, tamen, ke presanta sociologiala problemi existas ye omna niveli en omna socii.
Sociologiisti:
- Durkheim, Emile
- Weber, Max
- Sumner, William
- Mead, George
- Parsons, Talcott
- Le Bon, Gustave
