Pinguino
From Wikipedia
Pinguino esas trupala mar-ucelo di sud-hemisfero, precipua nigra e blanka, nekapabla flugar pro adapto di aquala chaso. La maxim konocita speco, imperio pinguino (longa 1 m e 35 kg), vivas en Antarktika. Tri speci profitas di richa fluo alonge sud-Amerika en Galapagos-insuli.
[redaktar] Deskripto
Pinguino esas masiva ucelo kun korta kolo, pinta beko e palmata pedi. La femur-artiko ye nivelo di tayo impozas li vertikala staturo sur la sulo.
Kun masiva corpo, duka graso strato, mikra maxim presa plumi qua dum muo separas su per plaki, pinguino rezistas maxim bona ye kolda.
Lua profila ali servas kom efikanta flosi, e lua palmata pedi kom guvernilo. Sur la sulo il esas nehabila e lenta e lasas su volonte glitar.
[redaktar] Vildo
Pinguino esas la vildo precipua di mar-hundo ed orko?. Pluse granda uceli do petrelo atakas yuno ed ovo.
