Martin Luther
From Wikipedia
Ni Martin Luther (Noviembre 10, 1483–Febrero 18, 1546) ket maysa a teologo nga Aleman, maysa nga Augustiniano a monghe, ken maysa nga ecclesiastical a reformista. Dagiti pannursurona ti nangtignay iti Protestante a Reformasion ken nanggubuay kadagiti doctrina ken cultura dagiti tradision a Lutheranismo ken Protestantismo. Ti awag ni Luther iti Simbaan a panagsubli kadagiti pannursuro ti Biblia ti nangitunda iti pannakabukel dagiti baro a tradision iti uneg ti Cristianidad ken iti Reformasion a Catolico, ti pasungbat ti Romano Catolico kadagitoy a tignay.
Dagiti kontribusion ni Luther iti Lumaud a sibilisasion ket nasursurok pay ngem iti biag ti Simbaan a Cristiano. Dagiti patarusna ti Biblia ti nangirubuat iti pannakabukel ti maysa nga standard a version iti pagsasao nga Aleman, ken nakanayon iti sumagmamano a prinsipio iti arte ti panagipatarus. Dagiti met himno ni Luther ti nanginspirar iti pannakabukel ti congregasional a panagkanta iti Cristianidad. Ti panangasawana idi Junio 13, 1525 ken ni [Katharina von Bora]], maysa a madre a nangitandudo met iti Protestantismo, ti nangirugi met iti tignay ti clerical a panagasawa iti uneg ti adu a tradision a Cristiano.
 |
Daytoy nga articulo ket maysa a pangted. Makatulongka iti Wikipedia babaen ti panangnayon wenno panangtarimaan iti daytoy nga articulo. |
