Software libere

De Wikipedia, le encyclopedia libere

(REQUIRE REVISION - traduction incomplete - version in anglese e altere linguas)

Isto es un traduction in interlingua del definition de software libere publicate per le Fundation pro Software Libere.

[modificar] Le definition de software libere

Nos mantene iste definition de software libere pro monstrar clarmente le conditiones que un particular programma de software debe satisfacer a fin que illo sia considerate software libere.

Le essentia de "software libere" se trova in libertate, non in precio. Pro comprehender le concepto, pensa del libertate de expression, non de entrata libere (p.ex. in un theatro).

Le essentia de software libere es le libertate pro le usator de executar, copiar, distribuer, studiar, cambiar e meliorar le software. Plus precisemente, illo refere a quatro typos de libertate, pro le usatores del software:

• Le libertate de executar le programma, a qualcunque proposito (libertate 0).
• Le libertate de studiar le functionamento del programma, e adaptar lo al necessitates personal (libertate 1). Accesso al codice-fonte es un precondition pro isto.
• Le libertate de redistribuer copias a fin que tu pote adjutar tu vicino (libertate 2).
• Le libertate de meliorar le programma, e publicar tu meliorationes, a fin que tote le communitate profita de illos (libertate 3). Accesso al codice-fonte es un precondition pro isto.

Un programma es software libere si le usatores ha tote iste libertates. Assi, tu deberea esser libere a redistribuer copias, con o sin modificationes, sia gratis sia in excambio de un summa monetari pro le distribution, a omne persona in omne location. Iste libertates implica (inter altere cosas) que tu non necessita demandar o pagar permission.

Tu deberea equalmente haber le libertate de facer modificationes e usar los privatemente in tu proprie labor o recreation, mesmo sin mentionar le existentia de illos. Si tu opta pro publicar tu cambios, tu non deberea esser obligate a notificar un persona in particular, ni de un maniera in particular.

Le libertate de usar un programma significa le libertate pro omne typo de persona o organisation de usar lo in omne typo de systema de computator, pro omne typo de projecto o labor, e sin obligation de communicar posteriormente con le disveloppator o un altere entitate specific.

Le libertate de redistribuer copias debe includer formas binari o executabile del programma, assi como le codice-fonte, pro versiones e modificate e non modificate. (Distribuer programmas in forma executabile es necessari pro systemas de operation facilemente installabile.) Non es un problema si non existe un methodo de producer un forma binari o executabile de un certe programma (viste que alicun linguages non ha iste functionalitate), ma tu debe haber le libertate de redistribuer tal formas si tu trova o disveloppa un methodo de facer los.

A fin que le libertates de facer cambios e de publicar versiones meliorate sia effective, tu debe haber accesso al codice-fonte del programma. Pro isto, le accessibilitate del codice-fonte es un condition absolute pro software libere.

A fin que iste libertates sia real, illos debe esser irrecovabile a condition que tu non face torto; si le disveloppator del software ha le poter de revocar le licentia, sin que tu ha facite qualcosa que lo justifica, le software non es libere.

Nonobstante, certe typos de regulas super le maniera de distribuer software libere es acceptabile, si illos non conflige con le libertates central. Per exemplo, copyleft (pro explicar lo multo simplemente) es le regula que, si tu redistribue le programma, tu non pote adder restrictiones que nega a altere personas le libertates central. Iste regula non conflige con le libertates central; al contrario, illo los protege.

(REQUIRE REVISION - traduction incomplete - version in anglese e altere linguas)