Mysterios
De Wikipedia, le encyclopedia libere
MYSTERIOS (n pl) [mi-stè-ri-os]]
Etymologia:
Ab le gr. mystérion (mysterio, secreto).
Definition:
- Le mysterios o religiones mysteric es le cultos secrete, multo numerose in le epocha hellenistic, accessibile solmente al initiatos, le si-dicite "mista", al quales se communicava le redemption e le ingresso in le mundo immortal del divinitate.
- Inter le plus importante cultos mysteric es a rememorar le culto grec de Dionysio (Baccho), le mysterios de Iside e Serapide, que veniva del Egypto; le culto syriac de Adonis, illo del gran matre Cybele e de Atti, que veniva del Asia Minor, e le mysterios del deo del lumine Mithra de origine persian.
- Le deos honorate in le mysterios es, in origine, divinitates natural in cuje morte e resurrection se respecula le rhythmo del vegetation, e ergo del saisones e del generationes. In le celebrationes cultual, le mista obtene de participar al sorte del divinitate. durante que le culto mysteric non pretendeva alicun exclusivitate pro lor sequitores, on poteva se initiar a plure cultos in le mesme tempore, pro obtener le major quantitate possibile de fortia vital divin.
Vide alsi:
