Kulturny časopis "Psí víno"
Z Wikipedije
Psí víno - w morawskim měsće Zlín wuchadźa literarny časopis, kotryž zaběra so z načasnej poeziju. Wón rěka "Psí víno" (Psyče wino) a zajimawe je, zo wozjewjeja so na jeho stronach nimo čěskeje poezije tež přełožki basnjow z druhich rěčow – na př. z němčiny, pólšćiny, rušćiny, słowjenšćiny a hdys a hdys tež basnje serbskich poetow – znatych a tež cyle młodych. Kóžde čisło ilustruje jedyn dobry, ale nic tak cyle znaty čěski grafikar abo ilustrator.
Załožer časopisa "Psí víno" je basnik a tworjacy wuměłc Jaroslav Kovanda. W redakciji tutoho časopisa je tež w Serbach znaty basnik a publicist Milan Hrabal.
