Juro Mětšk
Z Wikipedije
Juro Mětšk (* 1. meje 1954 w Budyšinje) je serbski komponist. Studowaše hač do l. 1976 na Wysokej šuli za hudźbu „Hanns Eisler“ w Berlinje a bě wot l. 1976 hač do l. 1980 z wučerjom na hudźbnej šuli w Rudnych horach. 1980 hač do l. 1983 studowa jako mištrowy student na Akademiji wuměłstwow NDR pola Reinera Bredemeyera. 1983 hač do l. 1986 běše dramaturg při Němsko-Serbskim ludowym dźiwadle w Budyšinje a je wot l. 1986 tam žiwy jako swobodnje skutkowacy komponist. Jeho twórba „syndrom” bu 1989 na wubědźowanju „Forum junger Komponisten” Zapadoněmskeho rozhłósa (WDR) z mytom wuznamjenjena.
[wobdźěłać] Twórby (wuběr)
- „accents antiques” za smyčkowy kwartet, 1975
- „musica da camera”, 1978/79
- „Psychogramme” za orchester
- „SESTETTO”
- „Canti per Violoncello e Piano”
- „trio…torso…alla…rondo…alla…torso…”
- „mit groteskem riesenbogen … trüb ein pizzicato” za wiolu, 1984
- „KONTRAKTION” Kontra-aktionen für kammerensemble, 1988
- „syndrom” za komorny ansambl
- „Retour pour grande orchestre“
Kategorije: Serb | Rodź. 1954 | Hudźbnik | Hudźba
