Domowina
Z Wikipedije
Domowina (hamtsce Zwjazk Łužiskich Serbow z.t./Zwězk Łužyskich Serbow z.t., němsce Bund Lausitzer Sorben e.V.) je třěšny zwjazk serbskich towarstwow a ma swoje sydło w Budyšinje. Domowina bu 13. oktobra 1912 we Wojerecach załožena. W času nacionalsocializma bu w lěće 1937 wuswojena a zakazana. Hižo dnja 10. meje 1945 bu w Chrósčicach znowa załožena.
Zaměr Domowiny je, politiske a kulturne zajimy Serbow na regionalnej, krajnej a zwjazkowej runinje zastupować. Dokelž podleži prawidłam towarstwow a njeje politiska strona, su móžnosće k sobuskutkowanju na přikład při zakońskich iniciatiwow chětro wobmjezowane.
Domowina přisłuša Towarstwu za wohrožene ludy, Europskemu běrowej za małorozšěrjene rěče (EBLUL), a Federalistiskej uniji europskich narodnych skupin (FEUV).
Domowina ma pjeć župow:
- župu „Jan Arnošt Smoler” w Budyšinje
- župu „Michał Hórnik” w Kamjencu
- župu „Handrij Zejler” we Wojerecach
- župu „Dolna Łužyca” w Choćebuzu
- župu „Běła Woda/Niska” w Slepom.
[wobdźěłać] Čłonstwo
Domowinje přisłuša slědowace towarstwa:
- Župa Budyšin, *ŽupaKamjenc, *ŽupaWojerecy, *ŽupaBěła Woda/Niska, *ŽupaDolna Łužyca
- Serbske šulske towarstwo z.t.
- Zwjazk serbskich studowacych z.t.
- Serbski Sokoł z.t.
- Zwjazk za serbski kulturny turizm z.t.
- Maćica Serbska z.t.
- Zwjazk serbskich spěwarskich towarstwow z.t.
- Zwjazk serbskich wuměłcow z.t.
- Towarstwo Cyrila a Metoda z.t.
- "Pawk" z.t.
- Zwjazk serbskich rjemjeslnikow a předewzaćelow z.t.
- Spěchowanski kruh za serbsku ludowu kulturu z.t.
- Towarstwo za spěchowanje serbskeho kulturneho a informaciskeho srjedźišća SKI z.t. w Berlinje
- Dom biskopa Bena (spěchowacy čłon)
[wobdźěłać] Eksterne wotkazy
hlej tež: Serbska ludowa strona
