Tom Morello
Na Galipedia, a wikipedia en galego.
Thomas Baptist Morello (nacido o 30 de maio de 1964) é o guitarrista da banda Audioslave, e formou parte de Rage Against the Machine.
[editar] Biografía
Morello naceu en Harlem, Nova York. A súa nai, Mary Morello, é fundadora de Parents For Rock And Rap, un grupo anticensura. Foi tamén mestra na Libertyville High School. O seu pai, Ngethe Njoroge, foi membro da guerrilla Mau Mau. O tío-avó de Morello, Jomo Kenyatta, foi o primeiro presidente electo de Kenia.
Morello medrou en Libertyville, Illinois. Alí ía á Libertyville High School, onde cantaba no coro e estaba no clube de debate e de teatro.
Ao redor de 1980, Morello comezou a estudiar guitarra en serio. Formou unha banda en 1980 chamada Electric Sheep, co futuro guitarrista de Tool Adam Jones tocando o baixo.
