Fariña integral
Na Galipedia, a wikipedia en galego.
A fariña integral é a fariña obtida de moer o grao dun cereal sen lle retirar nada. É máis nutritiva, ainda que de conservación máis difícil que a fariña refinada, e a súa cor é máis escura.
O gran de trigo componse de tres partes principais:
- o xerme, do que nace a nova planta e que representa entre 3 e 3,5% do grao. Está constituído por proteína, vitaminas e graxas;
- o pericarpo, consistente en varias capas que protexen a semente e que representa o 15% do gran. Utilízase como alimentos para animais.
- o endosperma, que representa entre o 83 e o 85% do grao, está constituído principalmente de amido e do que se retira a fariña. Contén unha proteína chamada glúten que se dilata en contacto cun fermento, fenómeno que permite o crecemento do pan cando se coce.
Canto máis branca for a fariña, menos xerme e pericarpo contén e, polo tanto, menos cantidade de vitaminas, sales minerais, proteínas e graxas.
