Sráid Uí Chonaill
Ón Vicipéid, an chiclipéid shaor.
Is í Sráid Uí Chonaill príomhshráid Bhaile Átha Cliath, in Éirinn. Thugtaí Sackville Street uirthi, ach athainmníodh í sa bhliain 1924 in ómós don Fhuascailteoir, Dónall Ó Conaill (Daniel O'Connell). Tá an tsráid 500 méadar ar fhad agus suas le 49 méadar ar leithead. Tá Ardoifig an Phoist i lár na sráide, áit a raibh ceanncheathrú Óglaigh na hÉireann le linn Éirí Amach na Cásca sa bhliain 1916.
Suite ar an taobh ó thuaidh d'Abhainn na Life síneann an tsráid ó bhruach na habhann go Cearnóg Pharnell. Tá dealbh de Dhónall Ó Conaill ag ceann amháin den tsráid, agus Parnell ag an gceann eile, agus dealbha eile eatarthu. Bhíodh colún ard i lár na sráide go dtí an bhliain 1966, agus dealbh den aimiréal Sasanach, Horatio Nelson, sa mhullach air, ach pléascadh san aer é an bhliain sin agus níor cuireadh a dhath ina áit go ceann beagnach daichead bliain.
