Monique Sluyter
Monique Sluyter ( Snits, 27 july 1967) is in Frysk model en televyzjepresintatrise.
Sluyter waard op har 18e jier ûntdekt by in miss-wedstryd. Hja ferhuze nei Milaan dêr't hja as ballerina optreedde yn in Italjaansk televyzjeprogramma. Letter waard se assistinte fan de presintator Umberto Smaila yn in programma dat yn ferskeidene lannen útstjoerd waard ûnder de naam Tutti Frutti.
Yn 1992 begûn Sluyter by de Nederlânske omrop Veronica mei in eigen televyzjeprogramma Erotica. Yn 2004 hie hja in itensiedersrubryk op de webstee fan de Digitale Stêd Nieuwegein. Fierder spile hja in rol yn de film Langer Licht fan regisseur David Lammers dy't yn 2006 yn première gie. Yn itselde jier wie hja yn it saneamde Hotel Big Brother fan de televyzjestjoerder Talpa. Op de tv-stjoerder RTL 7 presintearret Sluyter yn 2005 nachts in erotysk datingprogramma mei de namme Na Sluytingstijd.
