Bolskip
Bolskippen binne fissersskippen fan de eartiidske Sudersee , dy ta de famylje fan rûn- en platboaiemskippen hearre.
De namme bol of bolle (âld Nederlânsk) komt nei alle wierskynlikens fan it eardere eilân Urk dêr't alle skippen mei in rûne kop sa neamd waarden. Yn Fryslân waarden dizze rûne skippen aken neamd.
Bolskippen waarden om 1900 boud yn Fryslân en Noard-Hollân; op werven yn Hylpen, Warkum, Makkum en Inkhuzen.sjoch ek: Follenhovenske bol Inkhuzer bol.
As type is de bolle in lytse blazer, fan ûngefear 10 by 3 meter. It is boud yn de beste Fryske tradysje mei in moaie rûne kop en in fage efterskip, krektas de oare Fryske aken. Yn tsjinstelling ta de blazer dy't in trochrinnend dek hie, hat de bol allinnich in foardek en is se minder heech opboeid. Se waarden allinnich yn hout boud.
De skippen waarden brûkt foar it fangen fan platfisk om de djippere geulen fan de Sudersee en de Waadsee. It meast brûkte túch hjirfoar wie it hoekwant.
De skippen hienen in bun om de fisk libjend bewarje te kinnen, deade bot wie niks wurdich oan de ôfslach en waard meastal troch de fiskers en harren famylje sels opiten, krekt as de byfangst fan oare fisksoarten dy't net te ferkeapjen wienen. Nei de ôfsluting fan de Sudersee wie it ek gebeurd mei de bol. De pear dy't oer wiene, waarden foar de rekreaasjefeart brûkt, faak mei in ûnsjoch timmere kajút. De lêste jierren binne der lykwols wer werven dy't stielen bolskippen bouwe foar de rekreaasjefeart. Dy hawwe ek in kajút, en toane troch de oandacht foar de ferhâldings fan dit soarte skippen dochs goed.
Het Frysk Skipfeartmuseum yn Snits hat in model fan in bolskip.
