Jesus
De Vichipedie, la enciclopedie libare dute in marilenghe.
Jesus.
Indis |
[cambie] Figure
Di Jesus a 'ndi cjacarin principalmentri i vanzei canonics, ancje se o cjatin tocs in altris fonts no religjosis come par esempli "Antichità Giudaiche" di Giuseppe Flavio, scrits di Plini il Vecjo, Seneca e altris.
Il non Jesus al corispuint al tiermin grêc "Iesoùs" che al derive dal ebraic "Yeshùa o Yehohshùa", che al significhe: "Idiu al salve".
Chest non al jere avonde doprât a chei timps, partant spes al jere compagnât dal apelatîf "Nazaren". Al ven ancje clamât il "Crist".
Crist al salte fûr dal grêc "Cristòs" che al volte la peraule ebraiche "Mashiach" (Messie) che e jere assegnade intal Vecjo Testament ai sovrans elezûts dal Idiu (par esempli Davide) e a significhe "ont", ven a stâi consacrât in non dal Idiu.
Secont i vanzelets al è nassût a Betlem, le citât di Davide. I soi gjenitôrs a stavin a Nazaret, ma cuant che Jesus al è nassût a si cjatavin a Betlem par un censiment. Altris a sostegnin invezit che al è nassût a Nazaret. La date e po sei ator il 6 o 7 p.d.C.
Al fo batiât a cirche trente ains, e di chel moment al scomençà une grande ativitât di predicazion che à durât cirche trê ains e mieç.
Po dopo al fo injustementri condanât dai capocjis dai predis ebreus e dopo un mateç di procès al fo metût a muart dai romans cun spasimantes soferencis.
[cambie] Difarencis di viodude
[cambie] Catolics
Par lôr e je la figure centrâl dal cristianisim. Al è ritignût il Fi dal Idiu che si è fat om. Al è considerât ancje la seconde persone de Trinitât.
Le muart di Jesus e costituì un sacrifici di espiazion par i pecjâts di dute l'umanitât.
Cu la so resurezion al stabilì le vitorie su le muart e ancje le resurezion par ducj i oms.
Inte messe al ven ripetût il sacrifici de eucarestie dulà che i pan e il vin si tramudin intal so cuarp e intal so sanc (transustansiasion)
A Jesus e son dedicadis lis principâls fiestis come la Pasche cun lis celebrazions de setemane Sante, il Nadâl, l'Epifanie, la Sense.
[cambie] Islamics
Secont i musulmans, Jesus nol è il Fi dal Idiu, ma un profete che al à preparât la vignude di Maomet.
Al è nassût in maniere meraculose de vergjine Marie.
I musulmans a dinei le Trinitât.
A dinei ancje che Jesus al sei muart in crôs e duncje risorzût
Secont lôr invezit al è stât cjolt sù in cîl da Allah cence murî.
Al tornarà su le tiere a le fin dai timps, intal Dî dal Judizi finâl.
[cambie] Judeus
I ebreus a no ricognossin Jesus come il messie, di fat a ritegni che la vignude dal messie a no si è ancjemò palesade.
Vint une confession rigjidementri monoteistiche, a acetin dome l'Idiu come unic Signôr sul mont e su le storie, partant Jesus par lôr nol è di nature divine.
[cambie] Testemonis di Jeova
Pai testemonis al è l'unigjenit Fi dal Idiu.
Al è insiemit a lui che l'Idiu al à creât dutis lis robis che a son in cîl e su la tiere.
Al vignì mandât di so Pari su la tiere par che al des la so vite come riscat pe umanitât.
In cheste maniere al vierzè la strade de vite perpetue a ducj i oms che a varessin francjât fede.
Cumò a si cjate in cîl, tornât inte glorie celest e al governe come Re in cîl in spiete di puartâ in curt chest governi ancje su la tiere.
Al è ancje par chest che Jesus al insegnà a preâ ai soi dissepui inte preiere dal Pari Nestri: ..........che al vegni il to ream, che a sedi fate la to volontât come che e je in cîl ancje su la tiere..........(Mateu 6:9,10)
In chel timp finalmentri, cuant che al varà netât vie i necuitôs, la tiere e tornarà a jessi un paradîs come che l'Idiu la veve creade al inizi.
