Antropologjie
De Vichipedie, la enciclopedie libare dute in marilenghe.
La Antropologjie e je la sience sociâl che e studie l'om in ducj i soi aspiets, sociâi, culturâi e fisics. Il concet di culture al è a la fonde de Antropologjie parcè che la culture e je considerade un element fondamentâl de nature umane e de capacitât dal om di pensâ il mont in maniere simboliche, di imparà e insegnâ i simbui e di gambiâ il mont doprant chescj simbui. Si use dividi la Antropologjie in:
- Antropologjie fisiche, che si ocupe de evoluzion fisiche dai oms, de gjenetiche des popolazions e des fondis biologjichis ai mûts di fâ umans.
- Antropologjie culturâl, che studie i compuartaments sociâi, i ordenaments politics, la religjon, e i schemis compuartamentai des variis comunitâts umanis.
[cambie] Storie
La Antropologjie e nâs come un studi sientific de storie, cuant che diviers studiôs a àn començât a pensà di podè cjatà te storie passade des leçs universâls in mût di podê previodi i disvilups futûrs. Ai timps si jere tal XIXim secul e si pensave cal fos un procès naturâl il passâ di une societât primitive, che e jere restade indaûr, viers une societât avanzade e moderne come che a someavin jessi chês dai pais che stavin colonizânt il mont. Cheste idee e je stade superade tal secul vincjesim rivant a une definizion plui amplie come che di Marvin Harris: “la Antropologjie al è il studi de umanitât, dai popui antîcs e modernis e dai lôr stîi di vite”.
[cambie] Antropolics innomeâts
- Lewis Henry Morgan (1818-1881)
- Edward Tylor (1832-1917)
- James George Frazer-(1854-1941)
- Karl Marx-(1818-1883)
- Leslie White-(1900-1975)
- Marvin Harris-(1927-2001)
- Franz Boas (1858 - 1942)
- William H. R. Rivers (1864 - 1922)
- Émile Durkheim (1858-1917)
- Marcel Mauss (1873-1950)
- Max Weber (1864-1920)
- Alfred Reginald Radcliffe-Brown (1881-1955)
- Edward Evan Evans-Pritchard (1902 - 1973)
- Margaret Mead (1901-1978)
- Meyer Fortes (1904 - 1983)
- Bronislaw Malinowski (1884-1942)
- Arnold Van Gennep (1873-1957)
- Claude Lévi-Strauss (1908-...)
- Clifford Geertz (1926-...)
