Profundo de akre bildata spaco
El Vikipedio
Profundo de akre bildata spaco estas distanco inter proksima kaj malproksima limoj de spaco inter kiu objektoj estas bildataj sufiĉe akre per objektivo. La profundo estas mezurata paralele al la optika akso.
Estas nur unu ebeno, perpendikulara al la optika akso, punktoj en kiu estas akraj en la bildo. Ĉiuj aliaj punktoj estas en la bildo kiel cirkletoj. Diametro de ĉi tiu cirkleto estas mezuro de la neakreco. Por difini profundon de akre bildata spaco oni supozas ke punkto (objekto) estas sufiĉe akra se la cirkleto havas ne pli grandan diametron ol certa valoro.
La profundo dependas de amplekso de la bildo, angulo de bildo de objektivo, distanco ĝis la objekto kaj relativa truo de objektivo:
- Ju pli granda estas relativa truo de objektivo des pli malgranda estas la profundo.
- Ju pli granda estas distanco ĝis la objekto des pli granda estas la profundo.
- Ju pli granda estas angulo de bildo de objektivo des pli granda estas la profundo. La sama dependo de la alia vidpunkto - ju pli malgranda estas ĉefa fokusa distanco des pli granda estas la profundo. Do teleobjektivo havas malpli grandan la profundon ol larĝangula objektivo.
- Ju pli granda estas bildo (kun la sama angulo de bildo de objektivo) des pli malgranda estas la profundo. Sed ju pli granda estas la bildo des malpli grande oni devas poste pligrandigi la bildon. Do, por fari la saman rezultan bildon, la profundo ne dependas de amplekso de bildo de objektivo.
Kalkulado de la profundo:
R1 = (R f2)/(f2+K(R-f)z) ;
R2 = (R f2)/(f2-K(R-f)z) ;
kie R1 - proksima limo de akre bildata spaco;
- R2 - malproksima limo de akre bildata spaco;
- R - malproksimeco, je kiu la objektivo estas fokusita (distanco ĝis ebeno kun ideala akreco);
- f - ĉefa fokusa distanco de objektivo;
- K - denominatoro de relativa truo de objektivo;
- z - maksimuma diametro de cirkleto de neakreco pro nefokuso.
Se laŭ la formulo R2 estas negativa la sufiĉa akreco estas ĝis malfino.
Profundo de akre bildata spaco P = R2-R1 .
Se objektivo estas fokusita por malfino
R1 = H = f2/(K z) .
Uzante ĉi tiun valoron H (nomita kiel hiperfokusa distanco) eblas reskribi la formulojn por ne malfina fokusa distanco:
R1 = (H R)/(H+R) ;
R2 = (H R)/(H-R) .
Se oni scias la limojn R1 kaj R2 la plej bona fokusa distanco, kiu donas la plej malbonan neakrecon estas
R = (R1 R2)/(R1+R2) .
Ĉi ĉiuj kalkuloj ne enkalkulas aberaciojn kaj aliajn kaŭzojn de neakreco. Plenan kalkulon vidu ĉe bilda distingkapablo.
