Defnyddiwr:Ham
Oddi wrth Wicipedia, y gwyddoniadur rhydd.
|
|
||
|
||
| Chwiliwch ieithoedd defnyddwyr |
Buaswn i'n hoffi gweld y Wicipedia Cymraeg yn arbenigo mwy yn niwylliant Cymreig yn hytrach na chyfieithu erthyglau gair am air o'r fersiwn Saesneg am bethau nad sydd mewn gwrionedd yn berthnasol iawn at Gymru. Petawn ni eisiau darllen am manatees neu The Times, byddai'r mwyafrif ohonom yn troi at ffynhonnell Saesneg yn gyntaf. Does ddim llawer yn Gymraeg am ddiwylliant Cymreig ar y wê oni bai am ar safleoedd y BBC ac ati, felly byddwch chi'n disgwyl i wyddoniadur Cymraeg ar y wê edrych ar bethau mewn golau Cymreig, ond mae'r erthygl Mabinogi, i gymryd un enghraifft, yn rhoi'r un bwyslais i gyfiethiad Charlotte Guest a'r fersiwn Saesneg y mae yntau'n gyfieithiad ohono.
Yn anffodus, dydi fy nghyfraniadau i fy hun, heblaw am ambell i erthygl yn ymwneud â'r brifddinas, ddim yn gwneud llawer i wella'r sefyllfa. Dwi'n ymddiddori yng nghelf yn bennaf, a dwi'n meddwl bod hynny'n dangos yn y ffaith fy mod i'n tueddu creu erthyglau am bethau fel duwiau clasurol ac ati – pethau dwi'n eu hystyried i fod yn etifeddiaeth diwylliannol Ewrop gyfan.
- Dw i yn cytuno â ti, ond mae'n debyg bod y Wicipedia Cymraeg yn anorfod yn adlewyrchu diddordeb y cyfranwyr rheolaidd yma ac hefyd y cyfartaledd uchel o ddysgwyr (Diolch amdanynt). Dyfal donc yw hi. Yn raddol bach rwyn credu bod mwy o gyfranwyr sydd a diddordeb yn yr agwedd Gymreig yn cyfrannu ac fel y bydd yn tyfu mae'n siwr bydd hynny yn fwy gwir. Cyfraniadau eraill y mae mawr angen yma hefyd yw deunydd y mae disgyblion ysgol yn debyg o fod yn chwilio amdano ar y we, boed yn Gymreig neu beidio. Dyfrig 00:38, 18 Mehefin 2006 (UTC)
