Cynllwyn awyrennau trawsiwerydd 2006

Oddi wrth Wicipedia, y gwyddoniadur rhydd.

Heddlu yn Heol Forest, Walthamstow, Llundain, yn chwilio tŷ a ddrwgdybir o ymwneud â'r cynllwyn.

Yn ôl awdurdodau Prydain a'r Unol Daleithiau, cynllwyn terfysgol i danio ffrwydron hylifol wedi'u cludo mewn bagiau llaw ar nifer o awyrennau yn teithio o Lundain i ddinasoedd yn yr Unol Daleithiau oedd y cynllwyn awyrennau trawsiwerydd 2006. Cafodd y digwyddiad ei ddisgrifio gan yr Ysgrifennydd Cartref, John Reid, fel cynllwyn "arwyddocaol iawn" gyda'r bwriad o ladd nifer fawr o bobl.^[1] Bu mesurau diogelwch llym iawn ym meysydd awyr Prydain,^[2] yr UDA, a nifer o wledydd eraill yn dilyn datgeliad y cynllwyn.

Taflen Cynnwys

1 Manylion y cynllwyn
- 1.1 Ffrwydron hylifol
2 Ymateb diogelwch
- 2.1 Diogelwch hedfan
  - 2.1.1 Y Deyrnas Unedig
  - 2.1.2 Yr Unol Daleithiau
- 2.2 Diogelwch cyffredinol
3 Cyfeiriadau
4 Cysylltiadau allanol
- 4.1 Dogfennau llywodraethol swyddogol
  - 4.1.1 Y Deyrnas Unedig

[golygu] Manylion y cynllwyn

[golygu] Ffrwydron hylifol

Yn ôl nifer o ffynonellau newyddion, bu'r terfysgwyr yn cynllunio i gludo ffrwydron hylifol ar yr awyrennau mewn poteli Lucozade. Cynlluniodd y cynllwynwyr i adael top y botel wedi'i selio a llawn y ddiod wreiddiol, ond i roi gwaelod ffug yn cynnwys ffrwydryn hylifol neu gel wedi'i lliwio'n goch i gydweddu â'r ddiod chwaraeon yn nhop y cynhwysydd.^[3]

[golygu] Ymateb diogelwch

[golygu] Diogelwch hedfan

[golygu] Y Deyrnas Unedig

Yn dilyn datgeliad y cynllwyn honedig, cafodd mesurau diogelwch llym eu gorfodi ar gyfer teithwyr oedd yn hedfan o Brydain, neu yn newid awyren ym Mhrydain. Ni chaniaetheir bagiau llaw (rhaid cael eu rhoi yng nghrombil yr awyren), a ni chaniaeteir rhoi eiddo mewn pocedi dillad. Bu rhaid i deithwyr cario dim ond eitemau hanfodol (megis arian, pasportau, sbectolau, meddyginiaethau) mewn waledi tryloyw. Cafodd pob teithiwr eu harchwilio gyda llaw, a sgriniodd â phelydr-X pob esgid a waled dryloyw.^[4]

[golygu] Yr Unol Daleithiau

Neges ar sgrin yn rhestru mesuriadau diogelwch i deithwyr ym Maes Awyr Rhyngwladol Washington Dulles ar ôl datgeliad y cynllwyn.

Yn dilyn yr ymgyrch i atal y cynllwyn, gwaharddodd Diogelwch Mamwlad yr Unol Daleithiau pob hylif a gel, ac eithrio fformiwla llaeth babanod a meddyginiaethau presgripsiwn yn enw daliwr y tocyn, mewn bagiau llaw ar bob siwrnai.^[5] Cododd y Lefel DHS yn yr Unol Daleithiau i "Uchel Iawn" (coch) ar gyfer pob siwrnai awyren o'r DU. Cododd y lefel ar gyfer pob daith fewnwladol neu ryngwladol (ar wahân i Brydain) yn yr UDA i "Uchel" (oren).

[golygu] Diogelwch cyffredinol

Fel yn dilyn ymosodiadau a chynllwynion eraill yn y Rhyfel yn erbyn Terfysgaeth, bu cynnydd mewn diogelwch cyffredinol. Ddydd Sul, 13 Awst, 2006, bu mwy o heddlu yn patrolio Caerdydd cyn gêm pêl-droedd rhwng Lerpwl a Chelsea yn Stadiwm y Mileniwm. Dywedodd y Brif Arolygydd Bob Evans: