Vienneg

Diwar Wikipedia, an holloueziadur digor

Skrivet eo ar pennad-mañ e Peurunvan

Vienneg (Weanerisch)
{{{statud}}}
Perzhioù
Komzet e :	Aostria
Rannved :	Vienna, Aostria-Izel
Komzet gant :	~ 600 000
Renkadur :	goude 100
Familh-yezh :	Indez-Europek Yezhoù germanek Germaneg ar C'hornôg Alamaneg Uhel Aostrieg-Bavareg Vienneg
Statud ofisiel
Yezh ofisiel e :	-
Akademiezh :	hini ebet
Rizhouriezh
Urzh ar gerioù	{{{urzh}}}
Frammadur silabek	{{{frammadur}}}

Kodoù ar yezh
ISO 639-1
ISO 639-2
Kod SIL
Deuit da welet ivez Yezh.

Ar vienneg (Weanerisch ['vɛɐnɐriʃ] e vienneg, Wienerisch en alamaneg standard) eo rannyezh Vienna (Aostria). Renket e vez e-touesk ar yezhoù aostriek-bavarek. Komzet e vez ar vienneg gant war-dro 600 000 a dud e-barzh hag en-dro da Vienna. Levezonet eo bet gant meur a yezh all, dreist-holl an tchekeg, ar yidicheg hag an hungareg.

Taolenn

1 Diforc'hioù pennañ etre ar vienneg hag an alamaneg standard
2 Skrivagnerien viennek
3 Un nebeut frazennoù e Vienneg
4 Liammoù diavaez

[kemmañ] Diforc'hioù pennañ etre ar vienneg hag an alamaneg standard

N'eus ket eus an dro-c'henel. Implijet e vez an dro-da-biv en he lec'h.
Monoftongadur <ai, ei> /aɪ/ -> [a:, ɛ:], <au> /au/ -> [ɔ:], <eu> /ɔɪ/ -> [ɛ:]
Hiraet e vez ar vogalennoù e silabennoù taol-mouezhiet, d. sk. [hɑ̃:nd] ("dorn").
/p, b/ a vez distaget evel [b], /t, d/ evel [d].
/s/ e penn ar ger a vez distaget [s] ha n'eo ket [z].
Friet e vez ar vogalennoù hir dirak /n/.
alam. <il, iel> /i(:)l/ -> vienn. [y:], <eul> /ɔɪl/ -> /œ:/, d. sk. alam. <Eule> ['ɔɪlə] -> vienneg <Euln> [œ:n]
N'eus ket eus ar vogalenn /ə/; distaget e vez /e/ dibouezmouezh evel [ɛ].
Kalz gerioù a zo bet amprestet digant ar yidicheg...
Beisl [bɛ:zl] ("tavarn") < yid. bajs ("ti")
Hawara ['ha:vɐrɐ] ("kamarad") < yid. chavver
Masl [ma:zl] ("chañs") < yid. mazel

...digant an tchekeg...
Pfrnak ("fri bras") < tch. frňák ("fri")

...digant an italianeg...
Gspusi ['kʃbu:zi]("mestrez") < ita. sposa
Gstanzl['kʃdã:ndsl] ("poz") < ita. stanza

...ha digant an hungareg.
Maschekseitn ['maʃɛk,sɛ:tn] ("tu all") < hun. másik

Levezonet eo bet kevreadurezh ha morfologiezh ar vienneg gant ar yezhoù slavek:

Stankoc'h eo ar stummoù emober eget en alamaneg standard.
si schbüün [si 'ʃby:n] (~"en em c'hoari") e-lec'h alam. spielen ("c'hoari"). Kv. poloneg bawić się.
Arvez perfektivel ar verboù a zo oberiek c'hoazh ha n'eo ket bet fosilizet evel en alamaneg standard. Stummet e vez gant ar prefiks der- [dɐ].
derzahrn [dɐ'tsa:n] ("dont a benn da zougen")

[kemmañ] Skrivagnerien viennek

Johann Nepomuk Nestroy
Hans Carl Artmann
de:Wolfgang Teuschl

[kemmañ] Un nebeut frazennoù e Vienneg

D'ehre! ['de:rɛ], "Enoret on" = "Demat deoc'h!"
Griaß gott! [grɪɐs.'gɔt] pe Griaß Eana! ['grɪɐs.ɛɐnɐ], "Demat deoc'h!"
Seavas! ['sɛɐvas], [sɛɐs], "Salud dit!"
Prost! [pro:st], "Yec'hed mat!"
Tschuidign.. ['tʃuɪdɪgŋ], "Digarez(it)..."
A seidl / a kriagl [a 'sɛ:dl] / [a 'krɪɐgl], "Ur banne bier" (kriagl: 0.5l / seidl: 0.33l)
bittschee ['bɪtʃe:], "Mar plij"
daunkschee ['dɑ̃ŋkʃe:], "Trugarez"
Kennan Se bretonisch? ['kɛnan sɛ brɛ'to:nɪʃ], "Ha komz a rit brezhoneg?"
Mia san aus da Bretagn. [miɐ ,san ɔ:s da brɛ'tan] / Mia san bretonen. [miɐ ,san brɛ'to:nɛn] , "Breizhiz omp."
Wiederschaun! ['vi:dɐʃɔ̃:n] pe Baba! [ba'ba:] pe Ciao! [tʃɔ:], "Kenavo"