Mas
Diwar Wikipedia, an holloueziadur digor
Skrivet eo ar pennad-mañ e Peurunvan
Ar mas (pe an tolz a-wezhioù) zo ur c’hementad skalarel dezverkel d’ur c’horf.
Muzuliañ ra ar c’hementad materi ac’h a d’ober ar c’horf.
Kevatal eo gant ar c’heñver etre an nerzh embreget war ar c’horf hag ar buanadur degaset dezhañ gant an nerzh.
An nerzh hag ar buanadur zo kementadoù vektorel.
Mac’h anver 
an nerzh embreget war ar c’horf ha 
e vuanadur ec’h optener eta ar formulenn :
Ur c’henefeder inertiezh eo.
E mekanikerezh klasel ar mas zo ur gonstantenn additivel.
E mekanikerezh ar relativelezh ispisial e vez graet ar c’hemm etre ar mas prop pe mas dilusk hag ar mas relativistel. Argemmañ a ra mas relativistel ar c’horf gant e dizh evit dont da vezañ infinit pa vez an tizh kevatal gant hini ar gouloù.
Ar mas zo unan eus kementadoù diazez ar fizik.
En sistem etrevroadel unanennoù ar fizik (S.I.) ec’h eo ar c’hilogramm hag a dalvez da unanenn vas.
Arabat droukveskañ ar mas gant ar pouez : ar pouez eo muzul interaksion ar mas gant ar park gravitadurel. Un nerzh eo ar pouez, ha n’eo ket ur c’hementad materi.
