Lanfeust de Troy
Diwar Wikipedia, an holloueziadur digor
Ur rummad bannoù-treset eo Lanfeust de Troy, unan deus berzhioù brasañ er rumm-mañ abaoe ar bloawezhioù 1990. Gant Christophe Arleston eo bet savet ar senario, hag an tresadennoù gant Didier Tarquin. Kelc'hiad kentañ troioù-kaer Lanfeust, deskard gow deus ar blanedenn Troy ; Lanfeust des Étoiles eo anw an eil kelc'hiad.
Mat deoc'h goût e vez adkavet lod Harozioù, ha dreist-holl hollved, ar bannoù-treset-mañ e-barzh an heuliadoù Gnomes de Troy, Trolls de Troy ha Les Conquérants de Troy.
Taolenn |
[kemmañ] Diverradenn an istor
Troy zo ur blanedenn poblet gant tud, trolled ha krouadurioù all euzhus pe euzhusoc'h :
- Ur galloud hud 'neus tost an holl dud : lakaat ar blew da hirraat, lakaat an dent da gouezañ, teuziñ metalioù ha kerzhet war an dour (gant nompas mont re bell diouzh ur fur deus Eckmül, adkaser an hudouriezh).
- Krouadurioù gouez eo an Drolled da gont an dud, sevenet-tre int 'vat d'o c'hont dezhe o-unan. Chaseal a reont tost kement a dremen war-hed o zaol. Kreñv-hardi a-gorf, ne zoujont ket nemeur dra, nemet an dour a c'hallfe - daonet e vo ! - gwalc'hiñ anezhe.
Penn an holl gaozioù a oa an deiz ma 'noa tapet krog Lanfeust, un deskard gow ha 'noa ar galloud da deuziñ metalioù, en ur c'hleze - hini ar marc'heg Or-Azur - a oa graet e zornell en un ivorenn deus ar c'hrouadur burzhudus, ar Magohamoth. Ar stekiñ-se a ro ar galloud diharz dezhañ : an holl c'halloudoù hud a vez roet dezhañ ha ne 'nez ket ezomm a gaout ur fur en-dro dezhañ ewit implij anezhe. Neuze e kinnig dezhañ fur ar gêriadenn, mestr Nicolède, da vont da skol-veur an hudouriezh en Eckmül, keoded meur ar ouiziegezh war dTroy, ewit studial pezh zo arruet gantañ. Mont a reont neuze, gante diw verc'h mestr Nicolède, Cixi ha C'ian. Gant o hent en em gavont gant un troll (Hébus) hag ac'h a gante en o zroiad goude bezañ bet lakaet dindan gazel-gê gant Nicolède. Penn-deus-penn gant Thanos ar morlaer en em gavont neuze, ha heñv iwez kizidik ouzh ivor ar Magohamoth.
[kemmañ] Bed Troy
Diorren a ra hollved Lanfeust de Troy bep ma'c'h an heuliad war-raok (kartennoù hag holloueziadurioù war-benn Troy zo bet savet neuze gant an aozerion). Ul loen eo ar Magohamoth ha n'eo ket bet anavezet krenn james, hag-heñv zo bet kaset lies enklaskoù warnañ. Mammenn an hudouriezh war dTroy eo. Ewit adkas an hudouriezh-se e c'hall lod annezidi deus Troy dioueriñ o galloud ha dont da furion a vez skignet an hudouriezh gante war ar blanedenn.
[kemmañ] Ewezhiadenn war ar BT
En tu all d'ar pezh hollved zo tro-dro da Lanfeust de Troy 'neus graet an aozerion o soñj lakaat un tamm fent. Ma n'eo ket gwall stank ar geriennoù kuzh hag ar c'hoarioù gerioù da gomañs, e teuont da vezañ stankoc’h-stankañ, an tu-kreñv gante zoken, er levrioù diwesañ. A bep seurt zo : testennoù koachet mat divinadelloù enne pe c’hoarioù bihan, c'hoarioù gerioù, pell soutiloc'h ewit na soñjfed a-wezhioù. Sell amañ, titl al levr 6, Cixi emparaerez, a seblant bezañ da gentañ ur c'hoari gerioù aezet gant Sissi emparaerez, Cixi 'vat a voe bet ur gwir imparaerez sinat.
[kemmañ] Tudennoù
[kemmañ] Lanfeust
Avanturier yaouank hag eeunik, paotr ar biladeg, 'neus ar galloud da deuziñ ar metalioù gant e selloù. Dre stekiñ ouzh ivor ar Magohamoth 'nez ar galloud diharz (s.o. Lanfeust).
[kemmañ] C'ian
Unan deus merc'hed ar fur Nicolède (ha c'hoar Cixi neuze 'ta) ha dous Lanfeust en kelc'hiad kentañ e droioù-kaer. Ar galloud da bareañ forzh peseurt gloaz 'deus C'ian gant ma vez bew c'hoazh an den. Addegas a ra hec'h anw al liw kentañ cyan da soñj, hini he sae.
[kemmañ] Cixi
Unan deus merc'hed ar fur Nicolède (ha c'hoar C'ian neuze 'ta). Divergont eo Cixi. Ar galloud da aezhennañ pe skornañ an dour 'neus. Ouzhpenn-se eo amourous deus Lanfeust hag e klask ober kement tra ewit tapet anezhañ en he rouedoù.
Diskuliet eo orin hec'h anw e-barzh an albom Cixi Impératrice.
[kemmañ] Mestr Nicolède
Unan deus furion Eckmül eo mestr Nicolède. Adkas an hudouriezh a ra ar furion, ma n'eus fur ebet n'hall den c'hoari gant e c'halloud.
[kemmañ] Hébus
An troll lakaet dindan gazel-ge gant Nicolède eo Hébus. Evel Lanfeust eo paotr ar biladeg, sot eo gant ar boeson hag ar boued fonnus zoken.
[kemmañ] Thanos
Ur morlaer, gouizieg bet en Eckmül, eo Thanos. Pellvont da forzh pelec'h bet gwelet gantañ c'hoazh eo e c'halloud. Evel Lanfeust e vez ar galloud diharz gant Thanos pa vez o stekiñ ouzh ivor ar Magohamoth.
[kemmañ] An albomoù
- L'Ivoire du Magohamoth (ISBN 9782877642576)
- Thanos l'Incongru (ISBN 9782877643061)
- Castel Or-Azur (ISBN 9782877643948)
- Le Paladin d'Eckmül (ISBN 9782877645669)
- Le Frisson de l'Haruspice (ISBN 9782877646468)
- Cixi Impératrice (ISBN 9782877647953)
- Les Pétaures Se Cachent pour Mourir (ISBN 9782877649230)
- La Bête Fabuleuse (ISBN 9782845650336)
[kemmañ] Da welet iwez
- Trolls de Troy
- Lanfeust des Étoiles
- Hollved Troy, hollved faltazius.
- Daveoù Troy, al lies daveoù zo e-barzh heuliad Troy.
