Brezel Breizh-Veur ha Zanzibar
Diwar Wikipedia, an holloueziadur digor
| Brezel Breizh-Veur ha Zanzibar | |||||||
|---|---|---|---|---|---|---|---|
|
|||||||
| Emgannerien | |||||||
| Impalaeriezh Breizh-Veur | Zanzibar | ||||||
| Nerzhioù | |||||||
| Lestraz dianav e nerzh | 2,800 | ||||||
| Tud marvet | |||||||
| e-tro 100 | e-tro 500 | ||||||
C'hoarvezet eo brezel Breizh-Veur ha Zanzibar etre nerzhioù Breizh-Veur ha Zanzibar d'ar 27 Eost 1896. Padet eo 45 munud ha soñjet e vez eo bet ar brezel berrañ en istor.
Tarzhañ a reas ar brezel goude marv ar Sultan Hamad bin Thuwaini, d'ar 25 a viz Eost. Plaen en doa kenlabouret ar sultan gant ar Saozon e-pad e vuhez. Kemeret e voe neuze ar galloud gant e niz Khalid bin Bargash dre un taol-Stad, en desped da youl ar Saozon o doa lakaet o soñjoù en un den all, Hamud bin Muhammad, a soñje dezho e vije aesoc'h labourat gantañ. Urzh a rojont da Vargash da reiñ e zilez neuze. Hemañ a nac'has hag a lakaas sevel un armead a 2800 a dud skoret gant yacht armet ar sultan kozh eoriet er porzh (an H.H.S. Glasgow). Tra ma oa bagadoù Bargash o kreñvaat ar palez e voe bodet pemp lestr brezel gant ar Royal Navy a-dal d'ar palez ha lakaet darn eus ar Royal Marines da zouarañ.
Daoust da strivoù ar sultan evit marc'hata ar peoc'h dre hanterouriezh dileuridi SUA war an enez e krogas listri ar Royal Navy da dennañ, d'ar mintin 27 a viz Eost goude ma voe aet an ultimatom d'e dermen (9 eur). Gant ar palez o kouezhañ en e boull hag an niver a dud marvet ha gloazet o sevel en-dro dezhañ e rankas ar sultan en em dennañ gant mall betek ar c'hoñsuldi alaman ma voe roet bod dezhañ. Rankout a reas Bargash bevañ en harlu e Dar es Salaaam ma voe prizoniet gant ar Saozon e 1916 hag harluet. Diwezhatoc'h e voe aotreet da vevañ e Mombasa ma varvas e 1925. Paouezet e voe gant ar vombezadeg goude 45 munud, amzer ma voe kaset ar Glasgow d'ar strad. Brudet e teuas ar brezel-mañ da vezañ neuze evit bezañ bet ar brezel berrañ en istor.
[kemmañ] Gwelet ivez
- Brezel an tri-c'hant pemp bloaz ha tregont: marteze ar brezel hirañ en istor.
[kemmañ] Liammoù diavaez
- (en)
Pennad war ar brezel e Global Frontiers
- (en)
Pennad er Guinness Book of Records
