OpenOffice.org

Зьвесткі зь Вікіпэдыі — вольнай энцыкляпэдыі.



Распрацоўка	Sun Microsystems
Апошняя вэрсія	2.0.4 / 13 кастрычніка, 2006
АС	Linux, Windows, Mac OS X, Solaris, іншыя
Тып	Офіснае праграмнае забесьпячэньне
Ліцэнзія	LGPL або SISSL
Афіцыйная старонка	www.openoffice.org

OpenOffice.org (часта ўжываецца скарот OOo) — гэта многаплятформенны пакет офісных праграмаў для рэдагаваньня тэкстаў (OpenOffice.org Writer), электронных табліцаў (OpenOffice.org Calc), прэзэнтацыяў (OpenOffice.org Impress), вэктарных малюнкаў (OpenOffice.org Draw), а таксама кіраваньня базамі зьвестак (OpenOffice.org Base). Паводле сваёй функцыянальнасьці ООо параўнальны зь іншымі офіснымі пакетамі, уключна з Microsoft Office. ООо карыстаецца ўласным фарматам файлаў ODF, але можа імпартаваць файлы фарматаў іншых праграмаў, зноў жа ўключна з Microsoft Office. Уласны фармат файлаў ООо базуецца на XML, пры гэтым тэксты захоўваюцца ў кадоўцы Unicode, і таму ООо зьяўляецца выдатнай прыладай для працы з тэкстамі ў розных мовах / абэцэдах. OOo ўмее экспартаваць дакумэнты ў фармат Microsoft Office, DocBook, Aportis.doc (Palm OS), Pocket Word, PDF, LaTeX і Macromedia Flash.

Продкам OpenOffice.org зьяўляецца пакет StarOffice кампаніі Sun Microsystems, і сёньня абодва пакеты разьвіваюцца паралельна, але калі SO — камэрцыйны прадукт, то ООо — свабодна распаўсюджваецца, зьяўляецца бясплатным, і ягоны зыходны код адкрыты. Праз гэта некаторыя кампанэнты ООо адрозьніваюцца ад SO, у прыватнасьці праверка правапісу.

Сёньня ООо рэалізаваны на наступных плятформах:

Linux Intel
Linux PowerPC
Solaris (SPARC і x86)
Windows NT, Windows 2000, Windows 2003, Windows XP, Windows 98/Me; Windows 95 падтрымліваецца толькі вэрсіяй 1.0.3
FreeBSD
Mac OS X
Irix
Linux/SPARC