Sexualidädt
Aus Wikipedia
Sexualidädt des is des wos a gamsiga Mo mitd am gamsigen Weiwaleidt zam duat um as Furtbesteh vom boarischen Voik und damit a da boarischen Sprach, zum sichan. Oda a oafach weils an mords Spaß macht.
Inhaltsverzeichnis |
[dro wärkln] Da Untaschied
Wenn a da erste Bayar da Sag' noch aus am groben Stück'l Hoitz g'schlong sei soi, dearf ma doch de neimodischen "biologischen Erkenntniss' nedt übaseng:
S'gibt in Bayarn wia fast übaoi' zwoa vaschiedene Art'n vo Leidt:
- Manna (a Mo, da Mo, de Menna, d'Mannaleidt), in da Jugn'd hoassn's Buam
- Weiwa (a Wei, des Wei, de Weiwa, d'Weiwaleidt), in de junga Joahr "Madl", "Deandl", eh'vors eahna Unschuid valoarn hom: a "Mensch" (vornehm ausdruckt sogt ma zu am Wei natürli "Frau")
Wias dazua kemma is', des vamut'n de Wissenschaftla a so, daß de erscht'n Lebewesn, de se nur durch's Teil'n vo se säiba vamehrt hom, irgendwann amoi o'gfangt hom, vorm se' Teil'n, sich mit am andern Oazella z'amm Z'doa. Wann oana vo de Zäi'n an kloana Teil vo seim Bauplan (Chromosomen) valoarn hodt, iss' ja nihmma komplett g'ween noch'm teiln und üba kurz oda lang eiganga. Wanns des fäi'jade Teil vom andarn Partna mitgnomma hodt, dann san mehra übri blim.
Des war bei dene se dauarnd wechslnde Umständ auf dera Wäidt a Vorteil, drum war des unheimlich Erfoigreich und de Natur hodt se allerhand ausdenkt um des System weida zum entwickeln.
Dadurch san nacha de vaschiedanen G'schlechtsmerkmoi entstand'n, de zum oana oam vo da gleich'n Art sofoat erkenna lass'n um wos sa se handlt und zum andan den eventuellen Partna a ozoang soi wo a es entsprechade Gengstück findn ko und eahm dann a reiz'n daß'as a g'wiß duat.
Bei de Viecha funktioniert des an und für sich genau a so wia beim Mensch'n. Nua iss bei dene mehra da G'ruch und da Triab beteiligt.
Beim Menschen redt ma dann mehra davo'm, daß'a se um Liab hand'lt, warum'sas mitnanand macha.
[dro wärkln] Merkmoi zum aus'nandahoit'n
De G'schlechtsmerkmoi vo am Mo san: broatare Schuitarn, tiafare Stimm, Hoor im G'sicht (nennt se a Bart) und auf da Brust, unta de Achsl'n und uma an Schwanz/Zipfe. Zua Foatpflanzrei hodt sein Zipfe und sei Sacke midt de Oar in dene da Sama build weard.)
De G'schlechtsmerkmoi vo am Wei san: schmalere Schuitarn, hähare Stimm, ganz glatt's G'schicht, meah' oda weniga vagrässa'te Muichdrüs'n (Dutt'n) an da Brust, broadare Hüft'n. Vo de Organ zum Foatpflanz'n sicht beim Wei nedt fui, weil se des hauptsächle im innan vom Köapa befindt. Dass da Mo den Eingang (as Löche') nedt übasicht, hom de Weiwaleidt zwischen de Hax'n des sogenannte "Venusdreieck", Hoor, de grod ois wiar a Pfeil in de richtige Richtung deit'
[dro wärkln] s'Praktische
Traditionell ziagts de Buam wanns erwachs'n wern Pubertät zu de Madln hi und umkeaht. Des nennt se dann, wann fast nua da Triab a Roi'n spuidt: gamsig sei. Wann a a Gfuih dabei is': d'Liab. Wann d'Liab (oda da Triab) a so groß is', dass es nimma aushoit'n, gibt's a in Bayarn g'schlechtliche Beziehungen vor da Ehe. Üba de Sexualidädt redt ma nedt in Bayarn, des duat ma. Offen ausgsprocha wead' des noch Möglichkeid nedt. Zum Beispui gibt's do füa des "G'schäft" de Wörta:
- Fläh zamfanga
- Fensdaln
- ins Hei (zam) geh
- Zudelzeig zam stecka
- "schnacksln", "dupfn", "Brunzbuschn zaumduschn", "vegön", "stopfa", "neiwurschtln" und "pudern" san dann scho a weng derbe Wörta de ma in "da Gass'n" oda "auf da Strass'" a so redt und koam feina Buam/Mo in da Gengwart von am Weiwaleidt auskemma dearf.
A üba de körpaliche Liab zwischen vaheirate Leidt wead äha vahoit'n oda gor nedt gredt. Ma "macht Liab mitananda", oda "geht mit'nananda ins Bett"
[dro wärkln] andare Formen
S'gibt natürli in Bayarn a so ebbs wie Sexualidädt vo am Mo mit am Mo. Nochdem des aba de Katholik'n ois nedt a so ganz normal o'gseng hom, hodt ma do no weniga drüba g'redt. Hodt ma oan (an Mo) im Vadacht, dass'a schwul iss, dann nennt ma a so oan an "warma Bruada", "Spinodara" oda "Marmeladinger". A zwisch'n zwoa Weiwaleidt kennt ma des, alladings foi'adt ma dafüa koa eigans boarisch Woat ei. Oda zwischn am Menschn'n und am Viech. Nochdem des biologisch kaum da Foatpflanzung diena ko, weils oafach nedt'a so gäht, ko ma se des kaum biologisch erklär'n. Zum Glück is' Biologie und Wissenschaft in dera Sach nedt ois. D'Liab suacht se aus, wo's hi'gäht. Und des iss' Erklärung grod g'nua.
[dro wärkln] krankhafte Entwicklung
wia übaroi, ko a bei da Sexualidaädt ebbs schiafgeh. Weil ma se im oigemeina nedt aussuacha ko, wo d'Liab hifoidt, is des in manche Fäi b'sondas tragisch. Z'nenna war do
- de Sodomie, de (köapaliche) Liab zu de Viecha
- de Pädophilie, de (köapaliche) Liab zu kloane Kinda
- de Nekrophilie, de (köapaliche) Liab zu de Dout'n
vui harmlosa is de Triabbefriedigung mit ebbs wia Untawäsch oda Gegenständ, des ma Fetischismus nennt.
[dro wärkln] s'End davo
Ab am beschtimmtn Oidda lasst nedt nua de kearpaliche Kraft vo am Menschn noch, sondan a de g'schlechliche und a de Triab de damit z'sammhenga. S'iss so eigricht, daß bei de Weiwaleidt des zearscht nochlasst, weil se duach's oiddan vo de Zäi'n mit da Zeit in dem "Bauplan" nochdem sa se beim Teil'n oiwei wieda erneuarn kenna, oiwai mehra kloane Fähla eischleicha dann. (so ebbs ko vo da natülichn Strahlung, da Sonn, vom Gift im Essen oda oafach wei beim Teiln vo de Zäin nedt oiwai ois komplett vadoppet wead, kumma) Zudem kimmt, daß a an hauffa Kraft kosst, a Kind aus'zdrong, wos eam z'vui wern ko, wenn ma oidda wead. De Hormon steian den Voagang und de Eiasteck hearn irgandwann amoi auf, de Oarzäin zum buidt'n. De Weiwaleidt wean zu dera Zeit a wengal säitsam, weil de Hormone a aufs Hirn und 'n ganz'n Köapa wirkn. Es wead eahna hoass und koid gleichzeite und a wengal aufgregt sans a. Des nennt se nacha an Wechsl und dauat unta Umständ a poor Johr.
Bei de Manna is zwar des säi' Problem, daß de Zäin midt da Zeid nimma so san wia bei de Junga, aba da Mo braucht natürle zum austrong vo am Kind koa Kraft. Drum hodt da Mo vui lenga de Möglichkeit Kinda zum zeugn. Legendär san ja de biblischn G'stoitn wia da Abraham, de mit hundate Johr no Kinda g'macht hom soin.
