Beachtsgåna Land
Aus Wikipedia
| Wappn | Kartn |
|---|---|
 |
 |
| Basisdatn | |
| Bundeslånd: | Baian |
| Bezirk: | Obabaian |
| Vewåltungssitz: | Reichahåi |
| Flächn: | 839,97 km² |
| Einwohna: | 102.558 (30. September 2005) |
| Bevêîkerungsdichtn: | 122 Einwohner je km² |
| Kennzeichn: | BGL |
| Kreisschlüssl: | 09 1 72 |
| Kreisgliedarung: | 15 Gmoa |
| Adress vo da Kreisverwåtung: | Soizburger Stroß 64 83435 Reichahoi |
| Website: | www.berchtesgadener-land.de |
| Politik | |
| Landrat: | Georg Grabner (CSU) |
 |
|
"Wem da liabe God mog, den schickt er in des Land" so da Ludwig Ganghofer, da boarische Voiksdichter.
S Beachtsgåna Lånd, àà bekannt åis "As gloane deitsche Eck", is a Låndkreis in Obabayan. Des Landl is, aber, auf da andern Seitn, aa in da Mittn vom boarischn Sprochraum. Auf da Landkoartn siagt ma n ois gloana Zipfe gånz im Siadostn vu Deitschland. Es is im Nordn und Westn begrenzt vom Landkreis Traunstoa und im Ostn, Sidn und Sidostn vom Bundesland Soizburg umschlossn. Des Biitdl mid St. Bartholomä, an Kinigsee und an Wotzmoo, kent ma fast auf da ganzn Wejt. Aber landschaftlich hod's a sonst vii zum Bieten. Aa wann as Bearchtsgåna Lånd wirtschaftlich vorbildlich dosteht (bei d'Arwartslosn hom's grod drei Prozent) und se von da Struktur recht modern zoagt, han de mehran Hiesign, no recht bodnständig und da Tradition verpflichtet und stengan zur Hoamat und Sproch, im Boarisch.
Wichtige Ortschaftn san Berchtsgån, Reichahåi, Freilassing, Anger, Aufham, Teisendorf, Laffa, Scheenau an Kinigsee, Bischofswiesn und Ramsau.
[dro wärkln] Gschicht
Des Landl is gschichtlich aa recht intressant zum Seng: Zum Beispüi hom vor 4000 Johr de Illyrer (aa unter andern, de Vorfahrn von de iatzign Albana) in Reichahoi scho Soiz obbaut, wia spada aa, de Kejtn (aa Vorfahrn von de Schottn, Iren, Waliser und Bretonen) und de Römer und no spada aa de Bajuwaren (Baiern). Des Soiz war für des ganze Gai oiwei wichtig und werd bis heit obbaut und die Gegnd, is bis heit für des bekannt.
[dro wärkln] Leid
Leit wo's fast ibaroi kéna, aus da Gegnd, han unta andam da Ringsgwandl (gebiartig in da Staffabruck) und da Söiner Hans, wo vo Marzoi-Weißboch kimmt.
[dro wärkln] Londschoft
As Beachtsgåna Lånd is àà mit dem zwoathechstn Beag vo Deitschland ausgschtatt, dem sågnhaftn Wotzmoo mit seina Oidn (Frau) und seine siebm Kinda. Ansonstn gibts àà no recht vui anderne Bearg,wia an Staffa, weils ja gråd am Alpenrand liagt, und im Nordn àà a weng a flachs Land.
Àà a bår recht scheene saubere und guat frische Seen håds, zum Beispui an Thumsee, an Abtsdorfa See, an Heglwearthda Sää und den recht diaffn Kinigssee, den ma vo Kalendablattln kennt, auf dene meistns die Kirch vu Bartlmää mit de rundn roudn Kuppein zum seng is.
