Revolución Francesa
De Uiquipedia
La Revolución Francesa ye'l entamu de l'Historia Contemporanea. Esti fechu qu'asocedio en Francia tien repercusiones en tol mundu y ye una fecha cimera pa l'Historia y pa munches Ciencies Sociales.
Tabla de conteníos |
[editar] Discutiniu historicu y factores de la Revolución
Si bien, nun hai apautau nada ente los historiadores que anguañu siguin l'alderique si foi un fechu inevitable o si pola escontra foi una conxunción de fautores que xugaron en pro de los intereses d'una clas social, la burguesia.
Tamien hai un discutiniu perfuerte sobro'l papel de les vanguardies y les minoríes socatreres de les mases, que dalgunos creen que nun guetaben camudamientos tan estremos.
Ente los factores oxetivos señalaos pal desendolque d'esti procesu revolucionariu: la crisis de la sobrevivencia, males coseches y fame; tamien marcó munchu'l cursu de la revolución el mieu de los ciudadanos y la guerra na que Francia lluchaba escontra Prusia y a la radicalización del procesu el baltiu de la revolución escontra la relixón.
Tamien se tien señalao como factores pero estos anguañu nun tan apautaos xeneralmente y por ende tendremoslos como soxetivos; nos qu'alcontramos la mala xestión del rei de Francia, Lluis XVI y que los reis europeos tarrecieron del españíu revolucionariu y en 1792 declararon-y la guerra a Francia.
[editar] Causes de la Revolución
[editar] Fases de la Revolución
[editar] Revolución de los Privilexaos
La Revolución entamo pola clas privilexada, que tarrecía perder los sos privilexos ante'l temor de que se-yos impusieren impuestos, polo que a la convocatoria de Lluis XVI en 1787 d'una Asamblea de Notables éstos retruquen-y pidiendo la covocatoria d'Estaos Xenerales y el rei vese obligau a defenestrar al so ministru de Facienda.
Por ello en 1788 convoquense los Estaos Xenerales y nesto produzse un gran alderique alrodiu de la forma de votu que col apoyu de Nobleza y Cleru la Burguesia algama el votu por representante y non por estamentu como hasta agora y nesti puntu ye cuandu pas la soberania del Rei a la Nación.
[editar] Revolución Lliberal
El 20 de xunu el tercer estáu, atopa los estaos xenerales pesllaos y creyendo que quien finar con ellos, los representantes del tercer estau con una migaya de representantes de la ñobleza y el cleru colan pal Xuegu la Pelota onde xuraran nun dixebrase hasta apurrir a Francia una Constitución y asina tornanse nuna Asamblea Constituyente. El rei ablucau ante l'axitación social, pierde los papelos, y aunque sofitará a l'Asamblea, esti procesu finará baltiandose en escontra d'elli colos socesos de la Toma la Bastilla el 14 de xunetu de 1789.
L'españiu revolucionariu siguirá durante xunetu y agostu que finará cola proclamación el 26 d'agostu de 1789 de la Declaración Universal de Derechos de l'Home y el Ciudadanu; qu'aunque nun torga l'esclavitú y nun hai derechos sociales ye un simbolo porque establez una llei penrriba de toos de calter universal.
En setiembre medra la tensión, la corte cola pa Paris pola inseguridá de Versalles y nesti momentu ye cuando se funden los clubs (xermenes de lo que güei entendemos por partios políticos). El gobiernu decide nacionalizar los bienes de la Ilesia, el Rei y los fuxios.
Entos finen la primer Constitución d'Europa qu'establez un réxime lliberal, sustentau nel principiu de soberania nacional y qu'intenta finar col centralismu borboinicu dixebrando Francia en 83 partes. Esta constitución dixebra a los ciudadanos ente los activos, elixendo y pudiendose presentase y los ciudadanos pasivos que nun tienen drechos politicos, según el nivel de renta. La Constitución va acompañada de una llexislación lliberal que beneficia a les clases medies: vendese los bienes de la Ilesia, la torga de los gremios y dempues tres d'unes griesques llaborales torgase tamien los sindicatos.
La llexislación tamien ataca al cleru cola peslla de conventos y l'atribución de nomar cargos de la Ilesia al estáu lo que'l Papa Pio VI refugó dende'l empecipiu.
La Contitución aprébase el día 1 d'ochobre de 1791. Polo tanto l'Asamblea hasta agora constituyente tornase llexislativa namás, aunque tendra que demostrar tar al altor de les circunstancies pues habra d'enfrentase a una abegosa situación internacional, munchos paises absolutistes plantegaron la guerra escontra Francia y en Francia mesmu aniciase l'idega de entrar en guerra, cosa que a la fin asocede y en 1792 declarase la guerra a Austria.
[editar] La Revolución Democrática
A partir d'agora enmpecipiase una etapa de gran inestabilida política y medra l'inflación entainada pola guerra.
El rei ye presu al intentar fuxir y nesti momentu produzse el Asalto a les Tugeries, Palaciu rial, que ye xuzgau y axusticiau a la guillotina
