Panchón
De Uiquipedia
El panchón ye un postre sumamente típicu del conceyu d'Ayer, onde se fai en distintes époques del añu, na fiesta de Los Humanitarios de Morea, o'l día 6 de septiembre, na fiesta de Sotu d'Ayer; precisamente esti pueblu tien la fama de preparar el meyor panchón de tol conceyu d'Ayer.
[editar] Ingredientes
- Miges de pan
- Manteiga
- Zucre o miel
[editar] Preparación
Pa facer esti platu faise un bollu especial con farina d'escanda, o d'escanda y trigu amestao. Depués esmigáyase'l bollu y amiéstase con manteiga ablandao y zucre o miel.
[editar] Tradición
La tradición cunta que nos díes de romería, cuando los mozos abandonaben los chigres al alborecer, diben a casa les moces pa "la pidida del panchón", costume qu'inda pervive en dalgunos pueblos ayeranos.
