Jim Carrey

De Uiquipedia

James Eugene Carrey ñació en Newmarket, Ontario, Canadá, el 17 de xineru de 1962. Ye un actor y comediante canadiense, anque la más parte de la so carrera desendolcola nos Estaos Xuníos. Amás de ser un talentosu actor cómicu, nos caberos años ta teniendo munchu ésitu en papeles dramáticos.

El so innato talentu pa imitar, improvisar ya inventar personaxes de lo más variopintu convertieronlu en pocos años nel cómicu por escelencia del cine americanu. Nun toles películes foros sinónimu d'ésitu na so carrera, y, paradoxes de la vida, algamó más reconocencia polos sos dos únicos papeles dramáticos que pol restu.

Tabla de conteníos 1 Biografía 1.1 Datos 1.2 Despegue profesional 2 Curiosidaes 3 Filmografía 4 Enllaces esternos

[editar] Biografía

[editar] Datos

Jim Carrey ñació'l 17 de xineru de 1962 en Jackson's Point, Canadá, nuna familia católica y d'antepasaos franco-canadienses (l'apellíu orixinal yera Carré).

Ye'l fíu menor de Percy Carrey (músicu de jazz aficionáu) , el so pá, yera un altu executivu d'una importante empresa, pero cuando Jim cuntaba con 14 años, dicha empresa vienose abaxu y el so proxenitor quedóse en paru ya ensin perspeutives de salir del atolladeru. Y Kathy (o Kathleen) la ma de Jim, contraxo una enfermedá de la que nun llograría reponese enxamás (el so pa morrió d'Alzheimer en 1994 y la so ma a falta d'un reñon en 1995). Tien trés hermanos más nomaos Patricia, Rita y John, que son mayores qu'él.

La so xestualidá cómica yá la desendolcara siendo mui pequeñu, y recuerda a la del tamién actor Jerry Lewis. Arranando dende guahe dedicase al humor, a los diez años mandó un curriculum vitae a The Carol Burnett Show, famosu programa de sketches humorísticos emitíu na cadena de televisión estaunidense CBS.

Cuando la empresa na que trabayaba'l so pá s'arruinó d'esmenu, los Carrey vieronse somiargaos na probitú, tuvieron qu'abandonar la so luxosa vivienda de Burlington ya instalase nún modestu pisu de la periferia, tola familia treslladóse dende Toronto fasta la ciudá de Scarborough, más sero, inclusu, abeyugaronse en tiendes de campaña instalaes en tarrenos d'unos familiares. Forciáu pola so familia a sobrevivir, abandona la escuela y xuntu al so pá y trés hermanes mayores, trabayaron como llimpiadores nocherniegos nuna fábrica de neumáticos nomada "Titan".

Si na so carrera profesional Jim Carrey fizo realidá'l so suañu de ser actor, no personal nun tuvo tanta suerte. Tuvo dos vegaes casáu, primero cola actriz Melissa Womer, cola que tien una fía, y cola que sofrió un angustiosu divorciu, y depués con Lauren Holly (conocieronse nel rodaxe de Dumb and Dumberer). Depués de fracasar nuevamente na so rellación, tuvo a puntu casase por tercera vez con Reneé Zellweger, pero a la fin l'actriz decidió dar marcha antrás y romper col actor.

En 1987 casóse con Melissa Worner, camarera d'ún de los clubes nos qu'actuó nos sos entamos como showman. Divorciaronse en 1995.

En 1996 casóse cola actriz Lauren Holly (la protagonista femenina de "Dos tontos mui tontos"), de la que se divorció en 1997.

Foi noviu de la tamién actriz Renee Zellweger, de la que se namoró demientres el rodaxe de "Yo, yo mesmu ya Irene".

Anguaño catien una relación amorosa con Jenny McCarthy, dende diciembre del 2005 y tien previstu casáse nel 2007.

[editar] Despegue profesional

En 1977, animáu pol so pá, Jim, empecipió a trabayar como payasu, imitaba nún cabaret de Toronto a Elvis Presley, James Stewart y Jerry Lewis, permaneció 4 años nel cabaret y ganó dalgo de dineru pa llevantar el so llar.

En Toronto, y a la edá de 15 años, Jim quinxo probar suerte como humorista y tuvo actuando en dellos de la gran ciudá canadiense. Fasta qu'un día decidió emigrar a Los Ángeles, (California).

A los 19 años foi descubiertu pol cómicu Roger Dangerfield, quien lu llevó a Las Vegas, y convirtióse nún de los cómicos más populares de la televisión norteamericana por mor de la serie In Living Color.

En 1984 algamó facese con un papel na serie de televisión "The Duck Story", primer pasu para dar el saltu al cine.

Anque emprimara en películes menores un añu enantes, a magar de mediaos de los años 80 intervino como secundariu en conocíos títulos como Peggy Sue se casó (1986) de Francis Ford Coppola, o La llista negra(1986), con Clint Eastwood.

L'éxitu tardaría entá una década n'aportar, foi en 1991, col espaciu televisivu, In Living Color. Gracies al éxitu en televisión pasó al cine, protagonizando la so primera película, Ace Ventura, deteutive de mascotes en 1994. Esi mesmu añu conviertese nuna estrella tres protagonizar, amás, otres dos películes 'La Máscara y 2 tontos muy tontos.

Gana'l Globu d'Oru al meyor actor con El show de Truman (Una vida en direutu) (1998), de Peter Weir, y Man on the moon (1999), de Milos Forman; siendo nomináu n'anteriores y posteriores ediciones.

Carismáticu, multifacéticu y perseverante, Jim Carrey ye actualmente ún de los actores más cotizaos de Hollywood. A magar de que permanecer varios años encasilláu nún ciertu tipu de personaxes amosó la so diversidá ensin perdese nel camín, consolidándose ansí como ún de los meyores actores de la so xeneración.

Anguaño, Jim, confiesa que tou se lo debe al so pá, porque foi él quien lu animó a xubir al escenariu y quien, más sero, lu emburrió haza Los Ángeles.

[editar] Curiosidaes

• Ye'l cómicu meyor pagáu del mundu. Tien el recor de sueldu por una película llegando a cobrar 30 millones de dólares por Llocu a domiciliu.

• Les crítiques más favoratibles de la so carrera ye con drames como “El show de Truman”, “Man on the Moon”, y la traxicomedia Escaezte de mín colos que ganó un Globu d'Oru.

• Enllenó l'ataud del so pá con dineru depués del so primer gran ésitu.

[editar] Filmografía

[editar] Enllaces esternos

• El Criticón