Eris
De Uiquipedia
 |
| Esti artículu forma parte de la serie Mitoloxía Griega |
| Dioses |
|
Divinidaes primordiales |
| Elencos |
| Tamién |
Eris ye la personificación na mitoloxía griega de la Discordia. El sou orixen ye escuru, pa unos ye fía de Zeus y d'Hera mientres que pa outros lu ye de Nyx, esta tradición ye la más aceutada polos mitólogos.
Sigún Hesiodu yera mai, paez que por partenoxénesis, de:
- Ponos (la Pena)
- Lete (l'Esqueizu)
- Limos (la Fame)
- Algos (el Duelgu)
- Hysminai (los Combates)
- Malchai (las Batallas)
- Phonoi (las Matancias)
- Androctasai (las Masacres)
- Neikea (los Tarrecimientos)
- Pseudea (las Mentiras)
- Amphillogiai (las Ambigüedaes)
- Dysnomia (el Desorde)
- Ate (la Ruina ou l'Alloriamientu)
- Horcos (el Perxuriu ou la Blasfemia)
[editar] Eris y la Guerra de Troya
La presencia más conocida d'esta dieusa nos mitos foi como aniciadora de la Guerra de Troya. Celebrábase'l casoriu de Peléu y Tetis con casique tolas divinidaes convidadas, sacante Eris, que pol sou cáltere nun lu fou. Asina que la dieusa, presentóuse na folixa con una mazana d'ouru que dicía kallisti, pa la más formosa. Al empar, llanciórunse Atenea, Afrodita y Hera pero nenguna fíxose cola fruita dourada, asina que nomorun a Paris, fíu del rei de Troya, comu arbitru. Sol feitizu de la trincha d'Afrodita, el mozu escoyiéu a la citerea como ganadora; estu fixo que las perdedoras vengáranse d'él obligándolu a namorase d'Helena de Troya y raptala, emprincipiando asina la guerra de Troya.
