Bloque Nacionalista Galego
De Uiquipedia
El Bloque Nacionalista Galego (BNG) ye un partíu políticu nacionaliegu de Galicia.
En verdá el BNG ye un conceyu de grupos, partíos y militantes individuales, anque'l 70% namái pertenez al BNG. Delles formaciones nel BNG importantes son la Unión do Povo Galego (UPG), Esquerda Nacionalista (EN), el Partido Nacionalista Galego-Partido Galeguista (PNG-PG), Unidade Galega (UG), Colectivo Socialista, Inzar, etc.
Fundóse en 1982 y nes autonómiques de 1985 algamaron el so primer diputáu (Xosé Manuel Beiras Torrado) con 52.000 votos. En 1986 fizo campaña pol non a la OTAN y en 1988 creóse la organización moza, Galiza Nova. En 1989, col 8% de los votos, algamó 5 escaños nel parlamentu de Galicia y pudo formar grupu propio.
Dende los años 1990 entamó a medrar y convirtióse na segunda fuerza política de Galicia. En 1993 llograron 13 diputaos (18,5% de los votos), en 1997 18 (24,8%) y en 2001 17 (22,6%). Tamién tienen representantes nel parlamentu español dende 1996, añu nel que ocuparon dos escaños. En 2000 xubieron a trés y en 2004 baxaron de nuevu a dos.
El so voceru nacional y anguaño vicepresidente de la Xunta de Galicia ye Anxo Quintana.
[editar] Enllaces esternos
- Páxina oficial del Bloque Nacionalista Galego (en gallegu)
